Tuesday 23 July 2013

చెప్పనా .... చిన్ని ఆశ

కాలింగ్ బెల్ కొట్టబోతూ ఉంటె ముక్కుకి తగిలి నోటిలో ని చెరువు 
పెదాలు తడిపేసే కమ్మని వాసన.... కచ్చితంగా బజ్జీలే అనుకున్నాడు 
క్రిష్ ఉరఫ్ పెళ్లి అయినాక కృష్ణ . 
చెప్పుల శబ్దం వినిపించింది కాబోలు తలుపు తనే తెరిచింది సత్య . 
స్వాగతం చెపుతూ చిన్న చిరునవ్వు . కలా  నిజమా .... చిన్నగా 
గిల్లుకొని ''ఇష్''అన్నాడు బాధతో . పక పక నవ్వు వెనుకనే మంచి నీళ్ళు ,
ఫాన్ ఆన్ చేసి వెళ్ళింది .''కూర్చోండి '' చెప్పి లోపలి వెళ్ళింది సత్య . 
తమ ఇల్లేనా?తన భార్యేనా?చుట్టూ చూసుకొని తన ఇల్లే అని నిర్ధారించుకున్నాడు . 

అయితే టి .వి చెడిపోయి ఉంటుంది . దాని వైపు చూసాడు . బాగానే ఉంది . 
అయినా అది చెడిపోతే సత్య ఇలా ఉంటుందా ఏమిటి ?ఇంతకు ముందు చెడిపోతే 
నూరిన కారాలు మిరియాలు గుర్తుకు వచ్చి మనసులోనే కెవ్వు మన్నాడు . 

తింటూ ఉండండి చేతిలో ప్లేట్ ఉంచింది . నోరు ఊరిస్తూ రెండు అరటికాయ బజ్జీలు . 
రోటి లో దంచిన ఉల్లి కారం . తింటూ ఉండండి మిరపకాయలు ఉల్లి ముక్కలతో 
స్టఫ్ చేసి తీసుకొని వస్తాను . ''అబ్బ మిరపకాయ బజ్జీలు అదీ స్టఫ్ చేసి ,
ఏ మాటకు ఆ  మాటే గాజుల చేతి మహత్యం కాబోలు ఆ టెస్ట్ ఏ హోటల్ లో తిన్నా 
రాదు .సత్య చేతిలోనే ఏదో ప్రత్యేకత ఉంది '' 
నా భార్య ... అనుకోగానే ఏదో గర్వం మెల్లిగ ఒక ముక్క తుంచి కారం లో 
అద్దాడు. నోట్లో నీళ్ళు ఊరిపోతూ .... నోట్లోకిఒక్క ముక్క  వెళ్ళగానే ఆహా స్వర్గం ఎక్కడో 
లేదు . భార్య చేసిన బజ్జీలలోనే ఉంది . పొంగు కొచ్చిన ఆనందం లో పోర పోయింది.  

''అయ్యో అయ్యో మెల్లిగా '' తెచ్చిన ప్లేట్ చేతిలో ఉంచి తల మీద సుతారంగా తట్టింది . 
మెల్లిగా ముక్కుకు సోకిన గోరింటాకు వాసన,చెంపకు తగిలిన ఆ చేయి మెత్తదనం ,
ఆహా అనుకుంటూ కళ్ళు మూసుకున్నాడు .... తల మీద ఆ చేతిని అలాగే పట్టుకొని మెల్లిగా 
అరచేతిని బుగ్గ మీదకు ఆనించు కున్నాడు . 
''ముందు ఇవి తినండి మహా ప్రభు .నెను ఎక్కడకు పోను కాని ''చేతిని వదిలించు కొని 
ప్లేట్ వైపు చూపించింది . 
లేతబంతి పూవు రంగులో రెండు బుజ్జి పడవలు ప్లేట్ లో ఒదిగి ,
వాటి వీపుల మీద సన్నగా తరిగిన ఉల్లి ముక్కలు కొంచెం నిమ్మ రసం 
పిండిందేమో మెరుస్తూ ఉన్నాయి . దాని పై చిన్నగా తలలు ఊపుతూ ఆహ్వానిస్తూ 
లేత కొత్తిమీర తుంపులు పక్కనే జాతీయ అభిమానం కాబోలు కాషాయపు 
రంగు కెరట్ తురుము .... మొత్తానికి ఏదో ట్రాన్స్ లోకి వెళ్లి పోయి ఒక్క 
మిరప బజ్జీ ని చేతిలోకి తీసుకున్నాడు . ఇంకా అది నోటిలోకి వెళ్ళబోతుంది 
అనగా .... ఉలికిపాటు .బజ్జీ ప్లేట్ లోకి వదిలేసాడు . ఎడమ కన్ను టపా టపా 
కొట్టుకుంటూ ''ఏమి ఉంటుంది?ఈ రెండేళ్ళ చరిత్రను తవ్వసాగాడు ..... 

''అయ్యో ఏమైంది ?'' భర్త మొహం చూసి ఆందోళనగా అడిగింది సత్య . 
అప్పుడు వెలిగింది కృష్ణ కి ఒక సందేహం . ''సత్య శ్రావణ మాసానికి చీర కొనాలా ?'' 
అడిగాడు పీచు పీచు మంటున్న గుండెను తడుముకుంటూ .కాలనీ లో కెల్లా తన 
చీరె గొప్పగా ఉండాలని తనచే పర్సనల్ లోన్ పెట్టి మరీ పోయిన సారి కొన్న 
అప్పు ఇంకా  తీరలేదు. 

''అయ్యో శ్రీరామచంద్ర మీవన్నీ భయాలే '' నవ్వింది అభయం ఇస్తున్నట్లు . 
''మొన్న సుష్మ పెళ్ళికి వెళ్ళినపుడు అమ్మ చీర తీసి ఇచ్చింది '' 

పీల్చుకున్న ఊపిరి శక్తిని ఇచ్చింది కాబోలు ,మొగుడు పోస్ట్ భాద్యత కూడా 
తట్టింది కాబోలు ''పర్లేదు లేవోయ్ .యెదైనా మామూలు చీర తీసుకో . 
వర లక్ష్మి వ్రతం చేసుకోవద్దా?'' ప్రేమగా అడిగాడు . 

హమ్మయ్య దారికి వచ్చాడు అనుకుంది కాబోలు ''ఎందుకు లెండి ఖర్చు ?
రేపు పిల్ల పాపా పుడితే కావొద్ద?''అభయం ఇస్తూ అనునయంగా చెప్పింది . 
''పర్లేదు తీసుకో ''నిజంగానే భార్య మీద బోలెడు ప్రేమ . 

''సరే ఇంతగా అడుగుతున్నారు కాబట్టి ....'' ఒక్క క్షణం ఆగింది . 
''చెప్పు చెప్పు ''అన్నాడు ఆత్రుతగా నువ్వు అడగాలే కాని వెండి కొండ 

అయినా తేనా అన్నట్లు మొహం పెట్టి , 
''ఒక బ్లౌజ్ కొనుక్కుంటాను '' 

''ఓస్ ఇంతేనా .... నీకెన్ని కావాలో అన్ని తీసుకో . 
అసలు నేనే షాప్ దగ్గరకి తీసుకువెళతాను
 పద''చెప్పాడు బజ్జీలు తింటూ .
 హుషారు లో ఈలపాట 
కూడా వచ్చేస్తూ ఉంది . 

''ఏమండీ '' చిన్నగా దీర్ఘం ''చెప్పు'' అడిగాడు ధీమాగా . 
''మరేమో బ్లౌజ్ కి చిన్న లేసులు ,కుందంస్ కుట్టించు కుంటాను . అది ఇప్పుడు 
ఫేషన్ '' .... ''అలాగే అలాగే '' హుషారుగా భార్యను ఎక్కించుకొని బండి 
మీద రివ్వున బజార్ కి వెళ్ళిపోయాడు . 
''ఏమిటో ఈ భార్యలు బొత్తిగా నోట్లో నాలుక లేదు .భర్త ని అడగాలి అన్నా 
మొహమాటం  '' ప్రేమగా మనసులో విసుక్కున్నాడు . 
                                                              
                                                                                        (ఇంకా ఉంది )

Monday 22 July 2013

బ్లాగు లోకం లో ''లాస్య రామకృష్ణ ''గారు ప్రచురించిన నా ఇంటర్వ్యు

బ్లాగు లోకం లో ''లాస్య రామకృష్ణ ''గారు ప్రచురించిన నా ఇంటర్వ్యు 

(link ikkada )

లాస్య గారికి నా బ్లాగ్ తరుపున కృతజ్ఞతలు

బ్లాగు - ఇది శశి ప్రపంచం 
బ్లాగు లంకెhttp://itissasiworld.blogspot.in



పేరు
శశి కళ వాయుగుండ్ల 

ఊరు
నెల్లూరు జిల్లాలో చిన్న పల్లె 

హాబీస్
బుక్ రీడింగ్ , సినిమాలు 

పుట్టిన రోజు
మే పన్నెండు 

అభిమాన రచయిత
మల్లాది , దాశరది రంగా చార్య 

నచ్చే రంగు
తెలుపు 

నచ్చే సినిమా 
రోజా 

ఇష్టమైన ఆహారం
ఏవైనా పర్లేదు వెజ్ మాత్రమే 

ఇష్టమైన పుస్తకం
రైలు బడి 

ఇష్టమైన ప్రదేశం
మా ఊరు ,తిరుమల 

జీవితం అంటే
ఎన్నో అనుభవాలు పొందడం కోసం మనం వేసే ఒక నాటకం 

ఇతరులలో నచ్చేవి
నిస్వార్ధమైన స్నేహం,ఆప్యాయంగా మాట్లాడే మాటలు 

సాహిత్యం తో మీ ప్రయాణం
రెండు కవిత సంకలనాలు వెలువర్చాను. (జాబిలి తుణకలు, స్వర్ణ ముఖీ సవ్వడులు నానీల సంకలనం) ఇప్పుడు బ్లాగ్ మరియు ప్రస్తుతం కధలు వ్రాస్తున్నాను 



మీ రోల్ మోడల్
వివేకానంద ,అబ్దుల్ కలాం 

తెలుగు బాషకు మీ వంతు ప్రయత్నం
మా బడి లో పిల్లలకు కధలు, కవితలు వినిపిస్తూ వారి చేత కూడా వ్రాయిస్తూ ఉంటాను 
...... లాస్య రామకృష్ణ

ఈనాడు ఆదివారం అనుబంధం లో ''ఆత్మ జ్ఞానం '' గూర్చి ''కరణం జనార్ధన్ ''
గారు వ్రాసిన ఆర్టికల్ చాలా చాలా బాగుంది .లింక్ ఇస్తున్నాను తప్పకుండా
చదవండి

(eenaadu article link ikkada )




- లాస్య రామకృష్ణ 


ఇంకో విషయం నిన్నటి ఈనాడు అనుబంధం లో ''ఆత్మజ్ఞానం ''గూర్చి 
కారణం జనార్ధన్ గారు వ్రాసారు.చాలా బాగుంది .చదవండి . 



Saturday 13 July 2013

ఈ రోజు సాక్షి ఫండే లో ఉత్తరం దక్షిణం చూసారా?

ఈ రోజు సాక్షి ఫండే లో ఉత్తరం దక్షిణం చూసారా?

(14/7/2013 funday link ikkada )

అసలు ఆదివారమే అన్నిటికన్నా ఇల్లాళ్ళు బిజీ గా ఉండే రోజు .
యూత్ పార్లమెంట్ పోటీలకు స్క్రిప్ట్ వ్రాయాలి . నాకేమో ఈ సభల గూర్చి జ్ఞానము
సున్నా . అదొక పక్క. మా నాయన భోజనానికి వస్తాను అన్నాడు . ఎలాగు కూతురి
మనసు నాయన ఆతిద్యం తగ్గితే ఒప్పుకోదు . మధ్యాహ్నం డ్యూటీ ఉంది .
ఇన్నిటి మధ్య కలం నుండి ఓ కవితకు రాలాలి అని ఆరాటం . అదిగో మనసుకు
ఇంకో పోరాటం . ''విభు నీ మాట మీరడని దేవ భూమి నుండి కర్మ భూమి కి
పారిజాతాన్ని తీసుకు పోయిన ఫలం అనుభవింపక తప్పదు సత్య'' అని శచీ దేవి
శపిస్తూ ఉంటె కొందరు దెబ్బ తగిలితేనే తెలుసుకుంటారు అని మనసులో అనుకోని
చిరునవ్వు నవ్వుతూ ఆమె ముచ్చట తీర్చే మా ఎన్. టి . ఆర్ .

ఇన్నిటి మధ్య ఈ ఉత్తరం దక్షిణం తలలో తిరుగుతూనే ఉంది . చిన్ని రాయి నిశ్చల
తటాకం లో అలలు రేపినట్లు .... లాభం లేదు ఇవి నా బ్లాగ్ చూసే విజ్ఞుల తలపుల్లో
వేసేస్తే నేను ప్రశాంతంగా ఉండొచ్చు అని ఉదయాన్నే ఇక్కడకు వచ్చేసాను .

ఇక్కడ ''రైట్ టు మ్యారిటల్ ప్రాపర్టీ ఆక్ట్ '' గూర్చి ఇరువురి వైపు ఉదాహరిస్తూ వ్యాసం
వ్రాసారు వ్యాస కర్త (అనొచ్చా?ఏమనాలో ) చూడండి . తరువాత నా మనసులో మాటచెపుతాను . 


అభిప్రాయాలు మీద నాకు పెద్ద ఇది లేదు . ఎందుకంటె అవి గుడ్డి వాళ్ళు ఏనుగు ను చూసి 
వర్ణించినట్లే ఉంటుంది . అందరి అభిప్రాయాలు సమీకరించుకొని ఎక్కువ మందికి 
అంటే క్రీమీ లేయర్ ని కాకుండా ప్రయోజనం కలిగేటట్లు ''ఆక్ట్'' లు తయారు చేస్తారు . 
వాటికి కాల దోషం పడితే ఎలాగు సవరణలు చేస్తారు . 

భర్త నుండి విడిపోయిన భార్య కు ఆర్ధిక ఆధారం లేనందున ఈ ఆక్ట్ చేసారు . 
ఎలాగు పిల్లలు ఉంటె విడాకుల తీసుకున్న వాళ్ళ పిల్లలుగా వారికి 
భవిష్యత్తు లో చదువుకు గాని ,పెళ్లి కి కాని కొంత ఆర్ధికంగా మెరుగుగా ఉండటం 
వారికి ప్రయోజనమే . ఇలాగ ఆడ వాళ్ళ వైపు సగం వ్రాసారు బాగుంది . 

కాని ఉద్యోగం చేసే వాళ్ళు చిన్న కారణాలకు విడిపోతున్నారు . వీళ్ళు కష్టపడి 
సంపాదించిన దానిలో ఇవ్వాలి అనడం ఎంత న్యాయం ?భవిష్యత్తు లో 
ఆస్తి కోసం పెళ్లి చేసుకొని విడాకులు అడిగే వాళ్ళు వస్తారు కాబట్టి ఈ ఆక్ట్ 
ఎంత వరకు సమంజసం ?అని సగ భాగం వ్రాసారు . ఇదే నా మనసులో మెదులుతుంది . 

నిజంగా మన వాళ్ళు ఎంత మంది చిన్న కారణానికి విడిపోతున్నారు . లెక్కలు వేసి 
శాతాలు తీస్తే కాని తెలీదు . భాదితులలో ఈ శాతం ఎంత అని ? నిజానికి 
ప్రతి భార్య భర్త బంధం లో ఏమి జరిగింది అనేది వంద శాతం ఎవరు బయటికి 
చెప్పరు .విన్న దానిని బట్టి చిన్న కారణం అని మనం నిర్ణయించుకుంటాము అంతే . 
తాగే భర్త ను వదిలేస్తే హవ్వ ఎంత చిన్న విషయం అంటారు . ఆ వాసన తన మనసుని 
ఎంత నలిపెస్తుందో ,పిల్లల భవిష్యత్తు ప్రశ్నార్ధకం గా ఎలా మారుతుందో ,
అప్పుడు మైకం లో ఆతను మాట్లేడే మాటలు తన ను  ఎంత నరకానికి 
గురి చేస్తుందో ఆమె పూర్తిగా చెప్ప లేదు .ఇంకా చెప్పలేని పరువు సమస్యలు 
నాలుగు గోడల మధ్య ఎన్నో ఉంటాయి .   
నేనేమి ఊరికే చెప్పడం లేదు . నా చుట్టూ ఉన్న ఎందరో ఇల్లాళ్ళ సమస్యలు 
చూస్తూనే ఉన్నాను . 
ఇప్పటికీ కొంత మందిని వదిలేస్తే ''విడాకులు '' అనే సమస్య పరువు గలవాల్లకు 
నరకమే . బిడ్డ సంతోషం కోసమే ఆ వైపు అడుగు వేస్తున్నారు . 
నా దగ్గర బంధువు లే చూసాను . వాళ్ళ బిడ్డను నరకం లో వదల లేక , 
విడాకులు తీసుకో లేక ఆ తల్లి తండ్రులు కుమిలి ఏడ్చిన సంగతి . 
తరువాత ఆ అమ్మాయి కొన్నేళ్ళు సొంత అన్న అయినా సరే మగ వాళ్ళను 
చూస్తే గజ గజ వణికి పోతున్నప్పుడు నా బిడ్డ లాంటి అమ్మాయికి 
వచ్చిన కష్టానికి నా కైతే ఇలాంటి ఎన్నో ఆక్ట్ లు పెట్టాలి అనిపించింది . 

ఇంకా వ్యాస కర్త చెపుతారు ... సంపాదించుకొనే స్త్రీలు ఇండిపెండెంట్ గా ఉండాలి 
అని భావిస్తూ విడాకులు తీసుకుంటున్నారు . నిజానికి ఇంట్లో అవే కష్టాలు 
పడే వాళ్లకు విడాకులు తీసుకోవాలి అనే ఉంటుంది ,అప్పటికి అంత నరకాన్ని 
చూసే ఉంటారు . కాకుంటే ఆర్ధికంగా బలం కల వాళ్ళు బయటకు వచ్చారు 
అంతే . ఉద్యోగం వచ్చినంత మాత్రాన అందరు విడాకులు తీసుకోరు . 
చిన్న విషయాలనే భూతద్దం లో చూడటం కొందరు చేస్తుండవచ్చు . 
కాని అది ఎంతో చిన్న కోణం . వాస్తవం గా ఎన్ని సమస్యలు తమ బిడ్డలు 
పరువు కోసం సర్దుకు పోతున్నారో ఆడ పిల్లలను కన్న తల్లి తండ్రులకు ,
సహృదయులు అయిన అన్న తమ్ములకు మాత్రమె తెలుసు . 

ఇంకా భారతీయ స్త్రీలు సమస్యలు ఎన్నో ఉన్నాయి . కొందరి తొందరపాటు ని 
బట్టి అందరు తప్పు చేస్తున్నారు అనుకో వద్దు . రెండు చేతులు కలిస్తేనే 
చప్పట్లు . విడాకులు కు ఒక కేస్ వెళ్ళింది అంటే  ఎంతో కొంత రెండో 
వైపు సమస్య ఉండే ఉంటుంది . 

నిజానికి ఆస్తి కోసం భారత దేశం లో పెళ్ళిళ్ళు జరిగే రోజు వస్తే ఈ ''ఆక్ట్ '' 
సవరణ కచ్చితంగా వస్తుంది వ్యాస కర్త గారు . 
కాని నిజానికి మన చుట్టు  పక్కల పరిస్థుతులలో ఇంకా చాలా ఆక్ట్ లు 
స్త్రీ ల కోసం చేయాల్సిందే . 

రెండు వైపులా సమర్ధించడం సమంజసం కాక పోయినా ఇలాంటి ఒక 
సమస్య పై ఇంట్లో ఉండే నా లాంటి ఇల్లాలి ని కూడా నోరు విప్పేలా 
చేసారు అంటే ''ఉత్తరం దక్షిణం ''వ్రాసిన వాళ్ళను అభినందించాల్సిందే .