Tuesday, 4 March 2014

''టెంపుల్ రన్ '' చూసారా ?

''టెంపుల్ రన్ '' చూసారా ?
హ్మ్ ... పిల్లలు ఇద్దరూ వాళ్ళ లాప్ టాప్ లు 
వాళ్ళు తీసుకొని ఎగిరి పోయాక,ఇంట్లో ఉండే 
డస్క్ టాప్ లో హార్డ్ డిస్క్ పోయే సరికి అధ్దో 
అప్పుడు చూసాను చేతిలో ఉండే ఆండ్రాయిడ్ ఫోన్ 
వైపు ... అవసరమే అన్నిటికీ అమ్మ కదా !


సరే ఏ టెక్నాలజీ అయినా పిల్లలు నేర్పితేనే కదా 
అమ్మలకు తెలిసేది (కొన్ని సార్లు నాయనలకు కూడా )
వాళ్ళే కొన్ని ఆప్స్ డౌన్లోడ్ చేసిచ్చారు . పాటలు 
డౌన్లోడ్ చేసీమంటే పెద్ద పోజ్ .... ఇప్పుడు మా మేనల్లుడు 
అఖిల్ చక్కగా ప్లే స్టోర్ ఆప్ డౌన్లోడ్ చేసిచ్చాడు ,హ్యాపీ 
గా నెట్ అందుబాటులో ఉంటె పాటలు వినొచ్చు ,
డౌన్ లోడ్ చేసుకోవచ్చు . 

వీటితో పాటు ఇదిగో '''టెంపుల్ రన్ '' అనే గేం 
కూడా డౌన్లోడ్  చేసారు . మామూలుగా వాళ్ళు 
ముగ్గురూ యేవో ఆడుతుంటారు కాని నేను ఎపుడూ 
పెద్దగా ఆడను . సరే ఇదేమిటో చూద్దాము అని ఆడాను . 

సింపుల్ గా చెప్పాలంటే ఒక గుహ నుండి ఒక మనిషి 
పరిగెత్తుతూ బయటకు వస్తాడు . (టెంపుల్ ఎక్కడ ఉండబ్బా ?)
అతని వెనుక గబ్బిలాలు తరుముతూ వస్తూ 
ఉంటాయి . అతను ఒక పాత బ్రిడ్జ్ మీద పరిగెడుతూ 
ఉంటాడు . మధ్యలో బ్రిడ్జ్ తెగి పోయి  ఉంటె మనం దూకాలి . 
(అంటే మనిషి మనం ఎలా కదిలిస్తే అలా కదులుతాడు ,
ఒక రకంగా ఆ మనిషి మనమే ,మళ్ళా మనం కాదు . 
కాని మనమే కదిలిస్తాము . వాడు పడిపోతే మాత్రం 
మనకు దెబ్బలు తగలవు కదా ... ఏదో మొత్తానికి 
మనమే పరిగేత్తినట్లు ఉంటుంది )
ఇంకా అక్కడక్కడ  మర్రి చెట్టు వేళ్ళు అడ్డం వస్తూ ఉంటాయి . 
ఇంకా బ్రిడ్జ్ మలుపు దగ్గర మనం తిరుగక కుండా 
నేరుగా పోతే సముద్రం లో పడిపోతాము . 
అంటే పరిగెత్తే టపుడు బ్రిడ్జ్ ను చూసుకోవాలి . 
మర్రి వేళ్ళు వస్తే యెగిరి దూకాలి . మలుపు వస్తే 
తిరగాలి . వీటిలో ఏది తప్పుగా చేసినా మనిషి 
చనిపోతాడు . గేం ఓవర్ . ఎంత పరిగెత్తి తే అంత 
స్కోర్ . 
ఇంకా ఇలా పరిగెత్తేటపుడు మధ్యలో వచ్చిన కాయిన్స్ 
టచ్ చేస్తే బోలెడు స్కోర్ . మనలో మాట నాకింకా 
పరిగేత్తడమే సరిగా రాలేదు . ఇంకా కాయిన్స్ ఎక్కడ 
స్కోర్ చేసేది . కాపాడుకోవడం ,సంపాదించడం చేస్తూ 
వెనుక వచ్చే గబ్బిలాలకు దొరక్కుండా ఎంత సేపు 
ఆడితే అదీ ఆట . మధ్యలో ఎన్ని ఊహించనివి ఉన్నాయో !
చాలా స్కోర్ చేస్తే కొన్ని శక్తులు కూడా వస్తాయి . 

ఇదంతా సాఫ్ట్ వేర్ డిజైనింగ్ పుణ్యమే కదా . ఎన్ని 
ఆప్షన్స్ డిజైన్ చేస్తే అంత మజా !టెక్నాలజీ ఎంత గొప్పగా 
ఉంది అనుకున్నాను . 

ఇంతలో ఒకటి అనిపించింది . మనిషి జీవితం మాత్రం 
ఇంత కన్నా ఏ మాత్రం భిన్నంగా ఉంది . వెనుక 
తరిమే మృత్యువు కి దొరకకుండా ఎదురు దెబ్బలు 
తగలకుండా జాగ్రత్త పడుతూ .... మధ్యలో డబ్బులు 
సంపాదిస్తూ ... ఏదో స్కోర్ కోసం ఎప్పుడూ పరుగులే 
కదా !జీవితం నుండే ఆట వచ్చిందా ?
ఫిక్షన్ కూడా నాన్ ఫిక్షన్ నుండే  వచ్చిందా ?
ఏమో మరి మనిషి జీవితం మాత్రం నాకు ఎప్పటికీ 
అర్ధమే కావడం లేదు . 

1 comment:

Guruprasad Budhavarapu said...

Ee game Indiana Jones ane English movie aadharam ga design cheyyabadindi. Aa movie lo hero puratana pradeshalanu parishodistoo untadu. Movie chivarilo ila parigette scenes untay.