నక్షత్ర మిత్రులు ఎలా వచ్చింది !!

చాలా మంది మోస పోయే విషయం "ఒక రచన తామే చేస్తున్నాము
అనుకోవడం "
మేమే కదా వ్రాసేది అంటారా ,మరి అంతకు ముందు లేని
ఒక ఆలోచన తళుక్కున ఎలా వచ్చింది ?
దానిని అక్షర రూపం లో పెట్టడం ,సొగసులు దిద్దడం
మాత్రమె మీరు చేసేది .
ఇంకో విషయం తెలుసా ,కష్టపడి మీకు తెలిసిన దాంతో
తెగ ఆలోచించినపుడు కంటే ఏ ఆలోచన లేకుండా
మీ జనాన్ని తర్కాన్ని పక్కన పెట్టినప్పుడు ఇంకా బాగా
వ్రాయగలరు .
కావాలంటే "నక్షత్ర మిత్రులు " వ్రాసిన టే రా ,బార్బరా ఇద్దరినీ
అడగండి . వాళ్ళే చెపుతారు వాళ్ళ మాటల్లో ......

మీ చేతిలో పూర్తీ కావాల్సిన పుస్తకం ,వ్రాసేదాకా అన్ని పనులకు
అడ్డం నిలిచి మీ చేత ఆ పుస్తకం ఎలా విశ్వ శక్తి వ్రాయిస్తుందో !
అలవోకగా దానిని ఎలా మార్చుకోవచ్చొ !

ఈ పుస్తకం వ్రాయాలి అనుకున్నప్పుడు ప్లయిడియన్స్ చెపితే
వాటిని రికార్డ్ చేసుకొని వరుసగా వ్రాయడమే అనుకుంది టే రా

తీరా చూస్తె వాళ్ళు పుస్తకాన్ని చెపుతూ పోరాట,
మేము చెపితే నువ్వు వ్రాస్తే నువ్వు మర మనిషి లాగే అవుతావు
అని చెప్పేశారు .
నీ సహజ అవబోధనకు అనుగున్యంగా విషయాలు వరుసలో
ఏర్పరిచి ఈ పుస్తకం వ్రాయాలి . తర్కాన్ని , హేతువాద మనస్సును
పక్కన పెట్టాలి . ఇది నీకు జఠిలంగా అనిపించినా దీని తరువాత నువ్వు
ప్రజ్ఞ వెలిగే ఉన్నత తలాల లోకి ప్రవేశిస్తావు, ఓ సవ్యంగా అమరిక
, ఓ పరిపూర్ణం అయిన విశ్వాసము నెలకొన్న స్థితి లోకి ప్రవేశిస్తావు .
పుస్తకం పూర్తీ ఐదానికి గొప్ప పేరు వచ్చిన తరువాత

"ఎలా దాన్ని వ్రాసానో నాకే తెలీదు ! నిమిత్త మాతృరాలిని " అంటావు .

ఇంకా వాళ్ళు టే రా తో ఇలా చెపుతారు
"స్వంత విషయాలు వదిలి పెట్టగల వాళ్ళు అందరు విశ్వాత్మలో
సాదృశ్యాన్ని సాధిస్తారు "

"మీరు ఒక పుస్తకాన్ని వ్రాస్తున్నాము అని ముందే ఒక ప్రకటన చేయండి .
నీకున్న విశ్వాసం లేని వాళ్లకు ఈ పుస్తకం గందరగోళం గా ఉంటుంది .
సరైన సంకల్పం చెయ్యడమే నీ వంతు . పని జరుగుతుందని
విశ్వాసం తో ఉండు . రోజు నిద్ర పోయేటపుడు ఆ పుస్తకం మీద
అట్ట ఎలా ఉండాలో ఊహిస్తూ ఉండు ." అని చెపుతారు .

ఎంత కష్టపడినా పుస్తకం వ్రాయలేక పోతూ ఉంది టే రా
ప్లయిడియన్ల తో ఇంకో మారుపుస్తకం గురించి చర్చిస్తుంది .
అప్పుడు మనిషి ఎందుకు తాను అనుకున్న పని చేయలేడో
వాళ్ళు ఇలా చెపుతారు .....
"నీమీద నీకే విశ్వాసం లేదు టే రా ,పుస్తకం వ్రాస్తావు అని అందరికీ
చెప్పావు కాని నీమీద నీకే నమ్మకం లేదు .నీలో సంభవిస్తున్న పరిణామాల
గురించి నిజాయితీగా ఉండలేక పోతున్నావు .బయట ఉన్న నీ స్నేహితులు
అందరు నీ ఆస్తిత్వాన్నే ప్రతిభింబిస్తున్నారు. నీ ఉనికి పొరల లోనికి
చొచ్చుఁ కొని పోవాలి .లోనున్న ఆత్మా క్రోధం ,ఆత్మా ద్వేషం తొలగించుకోవాలి .
ఈ పుస్తక రచన నీకు అలాంటి సామర్ధ్యాలు ఇవ్వగలదు "

వాళ్ళ మాటల టేప్ లు వింటూ అప్పుడు తనకు ఏ భావాలు
మనడులోకి వస్తే అవి వ్రాసుకునేది ,కొన్ని వాక్యాల్లో , కొన్ని వ్యాసాల్లో .
వాటిని పుస్తకం గా ఎలా మలచాలో  తెళ్లేటం......
విసుగు పుట్టింది టే రా కి , చుట్టూ పరుచుకున్న కాగితాలు
చూసి ఏడుపు వచ్చింది . అన్నీ ఏరి పారేద్దాము అనుకుంది .
ఎరడం ప్రారంభించింది .......

క్రమం లేకుండా ఎరింది , ఒక సారి ముబడు పేపర్ ఇంకో సారి పక్కనది
అన్నీ ఏరి చేతికి తీసుకోగానే షాక్ !!
అదే బుక్ మొదటి అధ్యాయం .
అంతే కార్యాచరణ లో మన అడ్డే తొలగి పోవాలి .
సంకల్ప బలం ,చేయగలం అనే విశ్వాసం ....
ఆలోచన రహిత స్థితికి వెళ్ళగలిగాము అంటే చెయ్యాల్సిన
పని అదే ముందుకు వెళుతుంది .

మీ భయాలే మీ పనికి అడ్డము .
విశ్వాసం తో మంచి సంకల్పానికి ఎనర్జీ అదే వస్తుంది అనుకోని
పని చేయండి . పని అలవోకగా అయిపోవడం చూస్తారు .

                       ********************
ధ్యానంచేయండి . ఉన్న స్థితి నుండి ఉన్నత స్థితికి వెళ్ళండి

శార్వరి గారు దిగులుగా ఉంది

శార్వరి గారు దిగులుగా ఉంది 

ఆయన 12/12/15 తేది  శివైక్యం జరిగింది అని తెలిసినప్పటి

నుండి . ఇక ఆయన నుండి మార్గదర్శనాలు రావా ! 

అసలు నేను ఎందుకు బాధ పడాలి ?

ఆయన ఏమైనా నాకు మాష్టారా . కాదేమో ! అవునేమో ! 

కాని ఒకటి ఖచ్చితంగా చెప్పగలను నేను పోతున్న దారిలో నాకంటే 

ముందు నడిచిన వారు , ఇంకా తన అనుభవాలను గ్రంధస్తం చేసి 

నాలాంటి వాళ్లకు ఎంతో జ్ఞానాన్ని ఇచ్చిన వారు . 

ఇంత వ్రాసి మిమ్మల్ని కదిలిస్తున్న అక్షరాల వెనుక ఉన్న శక్తి నాది 

కాదు , అసలు నేను ఏమి వ్రాసానో .... వ్రాసిన తరువాత మళ్ళీ 

చదువుతాను అని ..... లోపలి అంతరిక శక్తుల మర్మం చెపుతారు . 

తొమ్మిదేళ్ళ క్రితం , ఒక సారి వడదెబ్బ కొట్టి చచ్చి బ్రతికిన 

అనుభవం తరువాత నన్ను ఇక్కడకు మళ్ళీ నా విన్నపాన్ని 

మన్నించి పంపినది ఎవరు , అసలు అక్కడ ఏమి జరుగుతుంది !

అనే ఒక ఆలోచన నాలో . ఎప్పుడూ మేలుకొని ఉన్నంత సేపు 

అష్టాక్షరి జపమే తప్ప  ఇంకొకటి నాకు తెలీదు .

 కాని దీనికి భిన్నమైనది ఇంకొకటి ఉంది . 

తెలుసుకోవాలి అనే తపన . 

ఇక్కడ పిరమిడ్ క్లాసెస్ రాఘవేంద్ర గారు , గాంధి గారు 

చక్కగా నడుపుతున్నారు అని తెలుసుకొని మా ఇంట్లో 

ఒక వారం క్లాస్ పెట్టమని అడిగాను . 

ధ్యానం తరువాత ఏమి కనిపించాయి అని అడుగుతూ ఉంటారు . 

ఏమిటి కనపడేది ! నేను సైన్స్ స్టూడెంట్ ని ఒక పట్టాన నమ్ముతానా !

తెల్లవారు జామున ధ్యానం చేస్తుంటే ఒక్క సారి నుదురు దగ్గర 

ఎలక్ట్ర సిటీ స్పార్క్ వచ్చినట్లు మెరుపు , ముందుకు వాలి పోతూ 

ఉంటె విష్ణు చక్రాలు లాగా ఒక వరుస .... ఏమిటివి ? 

మళ్ళీ సామూహిక ధ్యానం లో పొట్ట లోపలికి వెళుతూ ఉన్నట్లు 

ఏదో పైకి ఉబుకుతున్నట్లు .... ఒకటే నోట్లో నీళ్ళు ఊరుతూ , 

ఇంత మంది నేను లేస్తే డిస్టర్బ్ అవుతారు . మింగేసాను . 

ఏమిటది ? ఇంకో జవాబు తెలియని ప్రశ్న . 

సగం రాత్రి లేస్తూ ఉంటాను , ఏవో శబ్దాలు యేవో వాయిద్యాలు 

మ్రోగుతున్నట్లు , శివ లింగం నుండి వెలువడుతూ ఓంకారం .... 

ఏమిటి ఈ పిచ్చి కలలకు అర్ధం . ఎంతగా  లైట్ తీసుకో ఏవో భ్రమలు 

అని సర్ది చెప్పుకున్నా ..... ఒక్క గురువు ఉంటె బాగుండును . 

ఇవన్నీ చెప్పేవాడు కదా అని బాధతో ఏడ్చేదాన్ని . 

బ్రతికి ఉన్న బాబాలు , గురువుల మీద నాకు నమ్మకం లేదు . 

కాని నాకు ఒక గురువు కాక పొతే సందేహాలు తీరే జ్ఞానం కావాలి , 

అదే ఆలోచన . అసలు వీటిని ఎవరితో పంచుకోవాలి , పిచ్చిదాన్ని 

అనుకుంటారు . లోపల నుండి మాత్రం తెలుసుకోవాలి అనేబలమైన 

తపన .... రామకృష్ణ పరమహంస గారు చెపుతూ ఉంటారు 

''పక్క గదిలో ధన రాసులు ఉంటె దానిని పొందడానికి దొంగ 

యెంత తపన పడతాడో అంత  తపన పడాలి దేవుడి కోసం . 

అప్పుడే ఆయన నీ కోసం వస్తాడు '' అని . 

నిజంగా లోపల ఏదో వ్యధ , ఏదో కోల్పోతున్నట్లు , ఏదో కావాలన్నట్లు . 

అప్పుడు మా అక్క ఇచ్చింది ''అసతోమా సద్గమయా '' శార్వరి . 

ఆహా దప్పిక నీళ్ళు అడిగితే దేవుడు అమృతమే పంపాడు . 

మూడు పేజీలు  తిప్పగానే కళ్ళు మూతలు పడిపోతాయి . 

శరీరం ఉందొ లేదో ! తెరిపన పడాలి అనే అవసరం లేక పోతే 

నిద్ర లోకి వెళ్ళిపోవడమే . 

ఇక వరుస '' మాస్టర్ సి . వి . వి '' మాష్టారు గారి అద్భుత ప్రయోగాలు . 

నిజమా ఎలా నమ్ముతాము . పాలల్లో వెన్న ఉంది అంటే నమ్మేస్తామా . 

మాష్టర్ సి . వి .వి నమస్తే అనుకోండి , కుండలిని బోరింగ్ ఈజీ గా 

చేసేస్తాడు . అంత  ఈజీనా ! పట్టు పడితే తేల్చుకునేదాకా వదలను నేను . 

పైకి వెళ్లి  ఆకాశం చూస్తూ కూర్చున్నాను . మెల్లిగా కళ్ళు మూసుకొని 

మాష్టర్ సి . వి . వి గారు నమస్తే . ఏమి జరిగింది , ఏమి లేదు . 

కాదు ఏదో ఉంది . మెల్లిగా వెనుక వైపు ఏదో ఎగసి పైకి వస్తూ 

తల మొత్తం భారంగా , అలాగే చాలా సేపు కూర్చుండిపోయాను . 

ఇక అంతే  లైబ్రరీ లో శార్వారీ పుస్తకాలు వదలకుండా చదువుతూ ఉంటె 

వాళ్ళు '' మేడం శార్వరి వి ఎక్కువ చదవకండి . ఎవరికీ అలవాటు 

పడకూడదు . అందరి జ్ఞానం మనం తెచ్చుకోవాలి . జ్ఞానం ముఖ్యం '' 

''కుండలినీ '' అదిగో బుక్ దొరికేసింది . నా సందేహాలన్నీ తీరిపోతూ 

లలన చక్రం ఎనర్జీ వచ్చినపుడు నోట్లోకి ఊరుతూ అమృతం , ఇదేనా ! 

ఓహో ఇదంతా మనం మన లోపలి పోయే దారిలో ఒక క్రమం అన్న మాట . 

కొందరి దారి వేరేగా ఉండవచ్చు . 

''మృత్యోర్మా అమృతంగమయా '' ఆహా ఇక సందేహాలు పెద్దగా లేవు . 

ముందుకు పోయే దారి ఇంకా తెలుసుకోవాలని తప్ప . 

నాతొ చుట్టూ ఉండే కొందరిలో ఇప్పుడు ఆత్మీయత బంధం కనిపిస్తూ 

ఉంది . కాని వాళ్లకి తెలిసిన బంధాలతో దానిని నిర్వచించలేనపుడు 

వెల్లడి చేయడం లో ప్రయోజనం లేదు . ఎవరి జ్ఞానాన్ని వాళ్ళు 

ఆత్మ శాంతి పేరుతొ వెతుకుతూ ఉన్నారు . జ్ఞానం కలగనిదే 

ఆత్మకు శాంతి లేదు . జ్ఞానం అంటే ! దేవుడిని తెలుసుకోవడం కాబోలు . 

అలాగైతే ఇక ఆయనను చూడాల్సిందే ఎలాగైనా . 

ఇక చివరిగా చూసిన ఆయన బుక్ ''శంబల '' దానిని చదవాలి 

ఎలాగైనా , విశాలాంధ్ర వాన్ వచ్చినపుడల్లా అడిగేదాన్ని . 

లేదు మేడం , ఈ సారి మీకోసం తప్పక తెస్తాము అనేవాళ్ళు . 

ఒక రోజు నివాస్ ఫోన్ . 

''అమ్మా విజయవాడ లో బుక్ ఎక్జిబిషన్ లో ఉన్నాను . 

నీకేమి బుక్ తెమ్మంటావు ?"

నాకేమి ఇష్టమో వాడికి బాగా తెలుసు . 

''శంబల తీసుకుని రారా , శార్వరి గారు వ్రాసినది '' 

చెప్పాను . 

నా కొడుకు చేతుల్లో నుండి దానిని తీసుకున్నప్పుడు ఎంత 

ఆనందమో !! ఆపకుండా చదివేసాను . రెప్పలు వాలిపోతున్నా సరే . 

అవును శంబల , ఎనర్జీ లెవల్స్ బాగా ఉండే మాష్టర్స్ ఉండే చోటు . 

ఊరికినే మనం కారెక్కి వెతికితే కనిపిస్తుందా , కుదరదు అంత 

ఎనర్జీ లెవల్స్ కి పదార్దం చేరలేదు , ఆస్ట్రో ట్రావలింగ్ చేయాల్సిందే . 

మన కోసం శార్వరి గారు చేసి ప్రతి అనుభూతి అక్షరాలుగా 

మనకు అందించారు . ఎనర్జీ లెవల్స్ శరీరం భరించలేనంత 

చేరినపుడు వాళ్ళు శరీరం లో ఉండరు . వదిలేసి తేజో రూపాలకి 

వెళ్ళిపోతారు . మాష్టర్ సి . వి . వి గారు ఇది చాలా క్లియర్ గా 

చెప్పారు . అలాగే శార్వరి గారు కూడా వెళ్ళిపోయి ఉంటారు . 

శంబల కేనా !! మరి ఈ సారి ఆ విశేషాలన్నీ అక్షర రూపం 

ఎవరి ద్వారా రూపం దాల్చుతాయో , మాష్టార్ల సంకల్పం ఎలా 

ఉందొ . 

దేవుడిని చూడాలి అని పట్టు బట్టి ధ్యానం చేసాను కదా , 

ఇంతకీ అక్కడ కనపడింది ఎవరు .... నేనే !! అద్దం లో 

చూసుకున్నట్లు .... ఎంత  బాగున్నాను చూస్తూనే ఉండాలి 

అనిపిస్తూ ఉంది . మైనం పోసిన స్పూన్ నీళ్ళలో వేసి ఎండలో 

చూస్తె దాని చుట్టూ మెరిసినట్లు ఏదో మెరుపు పూత నా చుట్టూ . 

చూస్తూ ఉంటె ఎంత  బాగుంది . 

అన్నీ బాగున్నాయి కాని అక్కడ నేనే ఉంటె దేవుణ్ణి అడగాలి 

అనుకున్న వరాల లిస్టు ఎవరిని అడగాలి ? ఎవరి కాళ్ళకి 

మొక్కాలి !

                          @@@@@ 

ఆట కదా శివా నీకు ఈ విశ్వమంతా

ఉలిక్కిపడి లేచి చూసాను ,ఏమిటి ఎదురుగా !!!
అసలు కళ్ళు చూడలేనంత మిరమిట్లు గొలిపే కాంతి తో 
ఏది నింగి? ఏది నేల ? ఒకటి గా చేసేస్తూ దిక్కులు అన్నీ ఒక్కటిగా కలిసిపోయి 
ఒకే కాంతి తెల్లగా ..... కాదు కాదు ఆ మబ్బుల మధ్యలో కాసింత 
నీలి రంగు తొంగి చూస్తూ ..... ఏదో ఒకటి పర్వాలేదు . 
కళ్ళకు ఏదో చూపు వచ్చినట్లు . 
అరె నీలి కాంతి కూడా రెండుగా చీలి పోతూ ..... చీలుతూనా !
కలుస్తూనా !
కాదు అది నింగి ఇది సముద్రం రెండూ వేరే . 
సముద్రమేనా నింగి లోని మబ్బుల తెల్లదనమా . 
మబ్బులు చల్లగా సముద్రుడి మీద ఊయలలు ఊగుతున్నట్లు . 
ఏమిటి ఈ కాంతి తల పైకేత్తినా కనపడనంత గా వ్యాపించి , 
పైకెత్తి చూస్తె తల గిర్రున తిరిగిపోతుంది ,కనులు మూసుకొనిపొతూ .... 
డమ డమ మని చుట్టూ ఢమరుక నాదం ..... విశ్వాన్ని అంతా 
ఒకటై చుట్టేస్తూ ..... 
కాంతి శబ్దం అవుతుందా ? శబ్దం కాంతిగా మారుతుందా ?

ఏమో తెలీదు ఒకటే మైమరుపు .... ఆటే చూస్తున్నాను 
కనులు చూడలేని దాన్ని ,కనపడని దాన్ని .... 
దేనితో చూస్తున్నానో తెలీదు శబ్దము తెలుస్తుంది !కాంతి తెలుస్తుంది . 

ఇవి రెండూ వేరు కాదు . ఒకటే అదిగో ..... 
నాద ,వెలుగుల తరంగాల ఆనంద నృత్యం , ఒకటి తో ఒకటి కలిసిపోతూ 
విడిపోతూ , ఒకటేనా ! వేరేనా ! అసలు నేనెలా గుర్తిస్తున్నాను వీటిని . 
ప్రకంపన పెరిగిపోతూ చుట్టూ ఉన్న అణువులు విచలితమై చలిస్తూ .... 
ఒకటే చైతన్యం , క్షణం నిలవనీయకుండా, 
కదిలించే దెవరు ? కదిలేది ఎవరు ? 
విడిపోతున్న అణువులు చెల్లా చెదురుగా విదిలిస్తూ ,కలుస్తూ 
ఏమిటి విశ్వ నర్తనం , జటాజూట కేశాలు దిక్కులపై ముడి విప్పి 
విదిలించినట్లు ...... ఒకటే లయాన్విత దృశ్యం . 
కోటి జీవుల సృష్టి .... పునః పునః లయ . 
ఏమిటిది భూ ఆకాశ పర్యంతంగా వ్యాపించి నడిపిస్తున్న నాధుడు 
ఎవరు ?సాకారుడా ? నిరాకారుడా ?
నిరాకారుడే  అయితే నేను చూసేదెలా !
అరె ఏమిటిది ? కళ్ళు నులుముకున్నాను . 
నా మనసులో మాట తెలిసిందా ఏమిటి !
నభో మండలాలకు నిండిన కాంతి మెల్లిగా రూపు దాల్చుతూ ..... 
ఓం మ్మ్మ్మ్మ్మ్మ్మ్మ్మ్మ్మ్మ్మ్మ్ ........ జుయ్య్ మంటూ నాలో 
నిండి పోతూ ...... నిండి పోతూ ఒకే ఓంకారంగా , 
మబ్బులు చెదిరినట్లు కాంతి కణాలు విడిపోతూ , కలుస్తూ 
పొగ లాగా ఓంకార దర్శనం ..... ఏ దిక్కో తెలీదు . 
ఎక్కడున్నానో తెలీదు . తెలిసింది ఒక్కటే నన్ను తనలో 
కలిపేసుకుంటూ ..... శరీర తత్వాన్ని శబ్ద తత్త్వం గా చేసేస్తూ 
ఒకటే నాదం . 

ఓం కారమేనా !!!!!!!!!!! కాదేమో చూడు . 
కింద అలలు తాకుతున్న మృదుమంజుల అందెలు , 
ఒకటి నేలకు తాకి , రెండో ది  విశ్వాన్ని కప్పుతూ 
ఏది ఆది ఏది అంతమని ప్రశ్నిస్తూ పాదాలు , మెల్లిగా 
ఆశీస్సులిస్తూనో , ఓంకారంగా మారుతూనో ఏదో ఆకారం !!!!
సాకారా నిరాకారాల అబేధం . వినిపిస్తున్న ఢమరుక, శంఖ నాదాలకు 
అనుగుణంగా పురులు విప్పి నాట్యం చేస్తూ విశ్వాన్ని అంతటిని ఆడిస్తూ 
ఆనందం లో ఓలలాడిస్తూ ...... ఆహా ! స్వామీ నీవెవరు ?
సాకార , నిరాకార వాదులాటతో మమకార , అహంకారాలు 
పెంచుకోవద్దని చెప్పటానికి వచ్చిన జ్ఞాన గురువువా ? 
వెలుగు  ,శబ్దాలకు ఆధారభూతమై శక్తి ని నింపుకున్న 
నటరాజువా !!!! 
ఆట కదా శివా నీకు ఈ సృష్టి  అంతా
బొమ్మలాట కదా శివా నీకు ఈ మాయ అంతా . 
శివోహం ..... శివోహం ..... శివోహం . 
              @@@@@@@@@@@@@@@@@@   

ఇంక ఇప్పుడు యోగా

''శశి మేడం ఎక్కడ ఉన్నారు ? ప్రిన్సిపాల్ రూం లో మీటింగ్ 
జరుగుతూ ఉంది '' ఫోన్ విని క్లాస్ నుండి అక్కడకి వెళ్లాను . 
ఇది  మామూలే .  మీటింగ్ లో ముందు  నేను ఎక్కడ ఉన్నానో 
వెతుకుతారు . రూం అంతా సీరియస్ గా ఉంది . వేడి తెలుస్తూ ఉంది . 
ప్రిన్సిపాల్ గారు ముభావంగా ఉన్నారు . అంటే పై నుండి ఏదో అర్జెంట్ 
పనికి సర్కులర్ వచ్చినట్లే . పని కి భయం లేదు ,కాని ఈ కంప్యుటర్ 
వచ్చినప్పటి నుండి అప్పుడే పెట్టాలి అంటున్నారు . కాలం తో 
పరిగేత్తనీకుండా చేసే  క్షేత్ర స్థాయి అడ్డంకులు  చాలా ఉంటాయి . 
ఎవరికి వాళ్ళే ఎక్కడ ఈ పని తమ మీద పని రుద్దబడుతుందో అని టెన్షన్ . 

''చాలా అర్జెంట్ గా పెట్టాలంట '' చెప్పారు కొలీగ్స్ . 
''ఎన్ని రోజులు అయింది సర్వీస్ లో చేరి , అర్జెంట్ కానిది ఏమైనా ఉంటె 
కొత్తగా చెప్పండి '' పెద్దగా నవ్వాను . 
చిన్నగా అందరి పెదాలు విచ్చుకున్నాయి . 
''అయ్యాన్నీ  నాకు తెలీదమ్మ . ఈ రోజు కధ ఈ రోజే ''చిన్నగా సంతోషం ప్రిన్సిపాల్ గారిలో . 
నిజమే పై అధికారులు చెయ్యమన్నది మనం అడ్డం చెప్పకుండా చేయాలి . 
కొంత చేసి అడ్డం వచ్చినప్పుడు చెపితే కొంత సానుకూల దృక్పధం ఉండొచ్చు . 
కాని చేయడం అందరికీ తప్పనిసరి . 

''చూడండి అందరం ఒకే పడవలో ఉన్నాము . మునిగేది మేడం అనుకోవద్దు . 
పడవ తల కిందులు అయితే అందరికీ ఇబ్బంది ''చెప్పాను . 
సాలోచనగా ఊపి  పనిని ప్లాన్ చేయడం ప్రారంభించారు . 
మెల్లిగా ప్రిన్సిపాల్ గారు కూడా వంగి ప్రేమగా సూచనలు చేయడం 
ప్రారంభించారు . బయట పని పెద్ద ముక్క . తప్పదు సీనియర్స్ తలకు 
ఎత్తుకోవాలి . ఎందుకంటె పిల్లలు చదువులకు హాస్టల్స్ కు వెళిపోతే 
కాసింత పాక్షిక నన్స్  గా మారిపోయాము . జూనియర్స్ ఇంకా 
పిల్లలు , ప్రెగ్నెంట్ లు వగైరా ...... అదీ కాక మా భర్త లకు 
సినిమాకు వెళ్ళాలి అన్నా ''నీకు డ్యూటీ లేదు కదబ్బా '' అని 
అప్పాయింట్ మెంట్ తీసుకొనే జ్ఞానోదయం అయింది . 
పాపం జూనియర్స్ భర్తలు ఇంకా భార్య ల సమయం తమదే అనే భ్రమ లో 
ఉన్నారు ,ఈ జాబ్ చేరినాక కూడా . 
ఏముంది కొన్ని జీతాలుగా కాలం దొర్లితే చిట్టీ లకి , ఇంస్టాల్ మెంట్స్ కి 
అలవాటు పడితే వాళ్లకి కూడా జ్ఞానోదయం అవుతుంది . 

మొత్తానికి బయట పనికి ఎవరో ఒకరు తల అడ్డం పెట్టినాక ఇక స్వచ్చందంగా 
అందరూ తలో పని ముక్క ప్రేమగా ఆ తలను  పెట్టిన వాళ్ళను 
పరామార్శిస్తూ తీసుకుంటారు వీలును బట్టి . 
ఇక అప్పుడు ప్రిన్సిపాల్ గారి ముఖం లో నవ్వు చిందులు వేస్తూ , 
రూం అంతా  వెలిగిపోతూ ఉంటుంది .  

అంతకు ముందు ఉన్న వేడి ఏమైంది !బిగుసుకొని కూర్చున్న వాళ్ళు 
ఎలా అందరు ప్రేమగా మారారు . చిన్న చిరు నవ్వు . 
అవును టెన్షన్ సమయం లో దాని విలువ వందల వేల రెట్లుగా ఉంటుంది . 

మరి అది ఉదయించడం ఎలా ?
''ఇక ఇప్పుడు యోగా '' సమయం దానికి కొంత 
కేటాయిస్తే కందెన వేసిన చక్రం అంత హాయిగా జీవితం దొర్లిపోతుంది . 
దానికి టైం  లేదు అనడం, కార్  లో పెట్రోల్ లేకుండా  నడపడమే . 
తెలివిగల వాళ్ళు పని బాగా జరగడానికి అవసరం అయిన 
ప్రశాంత జీవన శైలిని ముందుగా ప్లాన్ చేసుకుంటారు . అమలు 
చేస్తారు . 
మొన్న 29/1/2015 నుండి మంత్రులకు , పాలనా అధికారులకు 
బాబు గారు జగ్గీ వాసుదేవ్ గారితో యోగా ట్రైనింగ్ ఇప్పిస్తున్నారు . 
మంచిది . నలభై రోజులు ఇచ్చినా మేలే . ఎందుకంటె మనం 
అసహనంతో తప్పు చేస్తే కూడిక లో ఒకట్లో , పదులొ స్థానం లో 
తప్పు జరుగుతుంది . కాని వాళ్ళ స్థాయి లో నిర్ణయాలు అసహనం తో 
తీసుకుంటే కోట్ల స్థానం లో తప్పు జరుగుతుంది . బాబు గారు 
మంచి నిర్ణయం తీసుకున్నారు . పాలనకు ఏమి ఇబ్బంది లేదు . 
ఇప్పుడు మాత్రం నత్త నడకే కదా నడుస్తుంది , బైఫర్గేషన్ పేరుతో . 
పనిలో పని సామాన్యుడు కు కూడా ట్రైనింగ్ ఇప్పిస్తే ఇప్పటి 
నవ్యాంధ్ర ప్రదేశ్  దెబ్బలకు తట్టుకోగలుగుతాడు . 

గోపాల గోపాల ... పి . కె .... గోపాల

నిన్న ఈ ఊరిలో పత్రీజీ పిరమిడ్ ధ్యానం క్లాస్ . 
ఊరిలో ఉండే పిల్లా పాప ,పెద్దలు .... ధ్యానం అంటే కొంచెం 
అయినా ఇంటరెస్ట్ ఉండేవాళ్ళు అంతా అక్కడే ఉన్నారు . 
పోయిన ఏడాది కర్తాల్ ధ్యాన మహాచక్రం గొడవల ప్రభావం 
అంతగా లేనట్లు ఉంది . నిజమే కదా ఇక్కడ డబ్బు ప్రమేయం లేని 
సంగతి , ఎవరికి వాళ్ళం ఇంట్లో హ్యాపీ గా ధ్యానం చేసుకుంటూ 
యెంత మనః శాంతి పొందుతున్నామో మాకే తెలుసు . ఇక ఎవరో 
చెప్పిన దానిని నమ్మడం ఎందుకు !!పత్రీజీ గారు మాట్లాడుతూ 
మీరు పి . కె చూసారా ? అడిగారు . ఎవరూ చేతులు ఎత్తలేదు . 
మరి మాకు ఇక్కడ హిందీ సినిమాలు రిలీజ్ అయ్యేది పెద్దగా 
అలవాటు లేదు . సరే ''గోపాల గోపాల '' చూసారా ?
హయ్య ...... నేనున్నానోచ్ !! మరీ ఘోరం !!! సినిమాలు కూడా 
చూడకుండా ఏమిటి వీళ్ళు !!
నేను మాత్రం ధ్యానం  ధ్యానమే ,ఉద్యోగం ఉద్యోగమే ,ఇల్లాలు పోస్ట్ 
ఇల్లాలే ,రచనలకు రచనలే .... దేనికదే చేసుకుంటూ ఉంటాను . 
అసలే ఇక్కడ కొన్ని ఏళ్ళు విజిట్ కి వచ్చాము . ఇక్కడ ఏమున్నాయో 
నేర్చుకొని పోవాలి కదా !! ఇప్పుడు విదేశాలకి ఆఫీస్ పని మీద 
పోతే అదే చూసుకొని రాము కదా , చూడవలసిన ప్రదేశాలు ,విశేషాలు 
చూస్తాము కదా . మరి ఇంత పెద్ద మానవ జన్మకు వచ్చి యెంత 
జ్ఞానం ఉందొ తెలుసుకోవద్దా !!

పత్రీజీ గారు అన్నారు ....... 
''గోపాల గోపాల '' చూడండి . మూర్ఖంగా మూఢ నమ్మకాలు పెట్టుకోకూడదు . 
మనలో ఏమున్నదో ధ్యానం చేసి తెలుసుకోండి . మనిషి కి సహాయం 
చేయండి ,దేవుడ్ని చేసి మూర్ఖులు కావొద్దు . అందరం దేవుళ్ళం . 
కాకుంటేమనకు  తెలీదు . ధ్యానం చేసి మీలోకి వెళ్లి తెలుసుకోండి . 
ఎవ్వరూ ఏమి చెప్పక్కర్లేదు ,సమస్తం మీలోనే ఉంది . ధ్యానం చేయండి . 
శ్వాస్ మీద ధ్యాస . చేతుల్లో చేతులుంచి ప్రశాంతంగా కూర్చోండి . 
మీకే తెలుస్తుంది . పిల్లలు గోలీలు కోసం పోట్లాడినట్లు మీరు కోరికలు 
కోసం ఆరాట పడి జబ్బులు తెచ్చుకుంటున్నారు . ఈయనలో ఇది 
మాత్రం నాకు భలే నచ్చుతుంది . జనాలు కాళ్ళకు నమస్కారం చేయపోతే 
తిట్టేస్తారు . మూర్ఖ శిఖా మణి ఏమి చేస్తున్నావు నువ్వు !!! నేను మీలాగే 
ధ్యానిని అంతే ,అని భలే కోప్పడుతారు . చేసే వాళ్ళు తెగ సేవలు 
చేస్తుంటారు . ధ్యానం తో ఎదగాలి . అంత వరకు వాళ్ళని మనం ఏమి 
అనగలం . 
గోపాల గోపాల చూసారా ?
''ఓ మై గాడ్ '' రీ మేక్ అంట . కధ బాగుంది .  పెద్ద స్టార్స్ 
చేయడం ముఖ్యంగా పవన్ కళ్యాణ్ కృష్ణునిగా చేయడం ఈ  సినిమా 
కలక్షన్స్ కి ఎస్సెట్ . లేకుంటే మంచి సినిమా అని చెప్పినా అందరూ 
చూడరు . ''అనూప్ రూబెన్స్ ''సంగీతం సూపర్ . 
''దీంత నకర నకర '' పాట  అయితే భలే హుషారుగా ఉంది . 
సాహిత్యం కూడా బాగుంది . 
వెంకటేష్ దేవుడి బొమ్మలు ,వస్తువులు అమ్మే వ్యాపారి . 
కాని దేవుడిని మూర్ఖంగా పూజించడం ,మూఢ నమ్మకాలు 
లేని వ్యాపారి . కాని పక్కన ఉన్న  ముస్లిం అయినా ఎవరైనా 
అవసరం లో ఉంటె సహాయం చేస్తాడు .అన్నం విలువ తెలిసిన వాడు . 
యెంత అంటే పిండం వదలడానికి కూడా అంత అన్నం వృధా అవుతుందే 
అనే బాధతో ఒక సాధువు జోలె లోకి విసిరేస్తాడు దాన్ని . 
భార్య పరమ భక్తురాలు . ఆశ్రమాలు ,స్వామీజీలు , అభిషేకాలు , 
సామాన్య మానవులకున్న అన్ని నమ్మకాలు ,భయాలు ఉన్నాయి . 
ప్రతీ పూజా చేస్తూ ఉంటుంది . ఒక స్వామీజీ దగ్గర భార్య నిప్పుల 
గుండం తొక్క పోతుంటే ఆపడానికి ,
''కృష్ణుడు వెన్న తింటున్నాడు వెళ్లి పెట్టండి ''అని జనాలనందరిని 
పంపేస్తాడు . అప్పుడు ఆ స్వామీజీ కి కోపం వచ్చేసి (పోసాని ,చాలా 
బాగా చేసాడు ) నువ్వు నాశనం అయిపోతావు అని శాపం 
పెట్టేస్తాడు . నిజంగానే వెంకటేష్ షాప్ కి మాత్రమె భూకంపం 
వచ్చి షాప్ కూలి పోతుంది . ఎనబై లక్షలకి ఇన్స్యురెన్స్ క్లైమ్ 
చేస్తాడు . అప్పుడు ట్విస్ట్ . '' ఇది గాడ్ ఆఫ్ ఆక్ట్ '' కిందకి 
వస్తుంది . మేము మనీ ఇవ్వమని కంపెనీ వాళ్ళు తిరస్కరిస్తారు . 
(దొంగ మొహాలు ఈ కంపనీలు వాళ్ళు నిజంగానే రూల్స్ సరిగా 
చెప్పరు ,ఇచ్చేటపుడు మాత్రం పాపం చావక బ్రతికి ఉన్న వాళ్లకి 
చచ్చిన వాళ్ళతో వెళ్లి పోవాలి అనిపించేస్తుంది. అంతగా విసిగిస్తారు . )

పాపం వెంకటేష్ సగటు మనిషి . అంత  నష్టం భరించడం ఎలా ?
లాభం లేదని ''దేవుడే చేసాడు కాబట్టి ,దేవుడే నాకు నష్ట 
పరిహారం ఇవ్వాలి అని ''కోర్ట్ లో కేస్ వేసి అన్ని ఆశ్రమాల 
స్వాములకు సమన్లు పంపి వాదించుకుంటాడు . 
చివరికి వాళ్ళు చంపే ప్రయత్నం చేయపోతే ..... అప్పుడు 
వచ్చేస్తాడు ..... ఇంకెవరు పవన్ కళ్యాణ్ ,మన కృష్ణుడు . 
ఏమి నైస్ గా సూట్ ,షూ ,మొహం లో ప్రసన్నత ,ఆ బండి 
ఉంది చూడండి ఎంత బాగుందో . మా ఊరి జనాలందరికీ 
ఈ కృష్ణుడు కూడా నచ్చేసాడు . చప్పట్లే చప్పట్లు . 

మరి వీళ్ళు ఇద్దరు కలిసి కేస్ ఎలా గెలిచారు ?జనాలు 
మూఢ నమ్మకాలు వదిలేశారా ?అది స్క్రీన్ మీద చూడాలి . 
చాలా మంచి డైలాగ్స్ ఉన్నాయి కాని నాకే డైరక్టర్ ఏమి 
చెప్పాలి అనుకుంటున్నాడో చాలా సేపు అర్ధం కాలేదు . 
మామూలు వాళ్లకు నచ్చదేమో అనుకున్నాను . కాని 
అందరికీ బాగానే నచ్చింది . పవన్ కళ్యాణ్ శ్రియ తో 
''మీ ఆయన దేవుడు లేడు అనటం లేదు తల్లి , ప్రశ్నిస్తున్నాడు ''
అని చెప్పినపుడు నాకు కొంచెం క్లారిటీ వచ్చింది . పర్లేదు 
సినిమాని ఇంకెవరూ బాన్ చేయమని అనరు అనుకున్నాను . 

చూడండి . మంచి ఆలోచన విధానం వస్తుంది . 


చివరగా పెద్ద స్వామీజీ అంటాడు 
''జనాలను మాకు దూరం చేయగలవా ? వాళ్ళు 
గాడ్ లవర్స్ కాదు ,గాడ్ ఫియరర్స్ '' ఎంతటి నిజం . 
ఎలా ఆలోచిస్తున్నాము మనం . అది,ఇది  చేయకపోతే దేవుడు 
ఏమి చేస్తాడో అని ఎంత భయపడుతున్నాము . 
నిజంగా దేవుడు అమ్మ కంటే గొప్ప వాడు అయినపుడు ఆయన 
దగ్గర ప్రేమ ,క్షమ తప్ప కోపం ఉంటుందా ?ఒకటి మాత్రం 
నిజం పక్క మనిషికి తన సంపాదనలో కొంత అయినా 
ఇవ్వని వాడు , ఒక్కరి ఆకలి అయినా తీర్చనివాడు ఎన్ని 
పూజలు చేసినా దేవుడు మెచ్చడు . ఎందుకంటె ఆయనకు 
అందరిని ప్రేమించడం మాత్రమె తెలుసు . ప్రేమ మాత్రమె 
తెలుసు . అది ఎక్కడ ఉంటుందో ఆయన అక్కడ ఉంటాడు . 
                               @@@@@@@ 

అక్కినేని ..... ఆత్మీయతల గని

 ''అక్కినేని వారికి కొంచెం లేట్ గా పుట్టిన రోజు శుభాకాంక్షలు '' 
మా ఎన్ . టి . ఆర్ అన్నగారికి కూడా ఎప్పుడు చెప్పలేదు . 
అదీ నిన్న చెప్పలేదు . ఈ రోజు ఎందుకు చెప్పాలి అనిపించింది అంటే 
మధ్యాహ్నం ''మనం'' మీద టి . వి లో చూసిన ప్రోగ్రాం . 
ఎంత చక్కగా వాళ్ళ నాన్నగారిని గుర్తుకు తెచ్చుకున్నారో . 
ఆయనే బ్రతికి ఉన్నట్లు ఆయన తరుపున అభిమానులకు 
ఎంత బాగా థాంక్స్ చెప్పారో . పాపం నాగార్జున కు ,సుశీలాకు 
కళ్ళు తడుస్తూనే ఉన్నాయి . ఒకరు స్క్రిప్ట్ వ్రాసి ఇస్తేనో ,
ఆక్షన్ చేపెతేనో వచ్చేవా అవి !ఒక కుటుంభ పెద్దగా అందరితో 
ఆత్మీయంగా ముడి వేసుకొని ఆయన పెంచిన బంధాలు అవి . 

ఇంకా అమెరికా లో ఉన్న ఆయన అభిమానులు  ''స్టాంప్ ''కూడా 
ఆయన ఫోటో తో విడుదల చేసారు . చనిపోయినా బ్రతికి ఉండటం 
అంటే అది . అది ఏ కొందరికో దక్కుతుంది . 
మా ఎన్ . టి.  ఆర్ కి ఉన్నారు లెక్కకి అంత మంది పిల్లలు . 
ఏ రోజైనా అందరు ఒక తాటి మీద నిలిచి స్టాంప్ వేస్తారా ?
సరే లెండి పోలికలు ఎందుకు ?పైనున్న అన్నగారు బాధ పడతారు :(

నాగార్జున అంటే మా వారికి ప్రాణం . నాగార్జున వాళ్ళ నాన్న 
గూర్చి అన్న మాటలు ఎంత బాగున్నాయో !

నాన్న అంటే ప్రేమ 
నాన్న అంటే మనసు 
నాన్న అంటే మనిషి ..... చాలు మనిషి ఎలా ఉంటె జీవితం 
పరిపూర్ణంగా ప్రశాంతంగా జీవించగలడో ఆ  రహస్యం ఇదే . 

ఇప్పుడు ఆయన గూర్చి పోస్ట్ ఏమి వేయను కాని నేను  
అప్పుడు వ్రాసిన ''మనం'' మళ్ళీ లింక్ ఇస్తాను . 
(manam post link ikkada )
నివాస్ కూడా ''ఈ సినిమా మళ్ళీ చూడాలి ''అని ఫీల్ అయ్యాడు . 
వీలు అయితే మీరు కూడా మళ్ళీ చూడండి . మీ గుండె కూడా 
అక్కినేని ని చూసి లబ్ డబ్ అని కొట్టుకుంటుందేమో . 

ఆయన ఒక పరిపూర్ణమైన జీవితాన్ని గడిపారు . ఆయన గూర్చి 
బాధ పడవలసినది ఏమి లేదు అని వాళ్ళ పిల్లలే చెపుతున్నప్పుడు 
మనం బాధపడవలసిన విషయం మాత్రం ఎక్కడ ఉంది .?
దీనికి బదులు మొన్న మెడిటేషన్ క్లాస్ లో విన్న నాలుగు మంచి మాటలు 
చెపుతాను . ఈయన ఇంట్లో పని వదిలిపెట్టి పోతావా అని అంటే ...... 
ఊహూ పిల్లలకు పెళ్లి అయినాకా కూడా ఇంట్లో పనులే ముఖ్యం 
అనుకుంటే నేను జ్ఞానం ఎప్పుడు తెలుసుకోవాలి అనుకోని మరీ 
వెళ్లాను . 

క్లాస్ శ్రీనివాస్ గాంధి గారు చెప్పారు . 
హై స్కూల్ పిల్లల దగ్గర నుండి ముసలి వాళ్ళ వరకు అక్కడికి 
వచ్చారు . ఏదో లాభం వస్తుందనో ఎవరో ఆశ పెడితేనో వారు 
అక్కడకు వచ్చారా ?లేదే . ఏ శక్తి ఇంత మందిని ఇక్కడకు 
లాక్కొని వస్తుంది . అందరు కలిసి సామూహిక ధ్యానం అంటే 
శ్వాస మీద ధ్యాస చేస్తూ ఉంటారు . చిన్న పిల్లల అనుభవాలు 
వింటూ ఉంటె ,ఇతరుల మనసు లోని ఆలోచనలు కూడా 
వాళ్ళు చెపుతూ ఉంటె మనం ఆశ్చర్య పోతాము . 

చిత్రంగా ఆ రోజు జన్మల గురించి ఇంకా ధ్యాన పరిచయం 
గురించి చెప్పారు . కొంత వరకు ఆధ్యాత్మిక వాతావరణం లో 
పుట్టిన వారికి పునర్జన్మ ల మీద నమ్మకం తప్పక ఉంటుంది . 
ఒక్కో ఆత్మ ఎన్ని జన్మలు ఎత్తుతుందో తెలుసా ?
కీటకాలు కావొచ్చు , చెట్లు కావొచ్చు ,జంతువులు కావొచ్చు , 
మనుషులు కావొచ్చు అందులో ఆడ ,మగ ఎవరైనా  కావొచ్చు ,
కొన్ని వందల జన్మలు ఎత్తి ఉండవచ్చు . నిజమా అంటే .... 
పాలల్లో వెన్న ఉన్నంత  నిజం . కాకుంటే నీలోకి నువ్వే ప్రయాణం 
చేసుకొని చూసుకోవాలి . ఎందుకు ఇన్ని ఎత్తడం అంటే 
ఆ జన్మ యొక్క పరిపూర్ణమైన అనుభవాలను పొందడానికి . 
అసలు పాతవి చూసే కొద్ది .... ఎన్నో సార్లు ఆడవాళ్ళుగా , 
ఎన్నో సార్లు మగవాళ్ళుగా మనమే ఉండటం చూసి ఎలా 
పుడితే ఏముంది ,అందరం అక్కడి వాళ్ళమే ,ఆత్మలమే 
అని అవగతం అయ్యి ఈ తేడాలు పెద్దగా పట్టించుకోము . 
లడ్డూల రుచి నాలుక పూర్తిగా గ్రహించినపుడు అవంటే 
మనకు వెగటు వేసినట్లు ఈ జన్మలు అంతే . ....... 
దీనిలో ఏమి లేదు అని మనకు వెగటు పుట్టే దాకా 
పుడుతూనే ఉంటాము . 

మన శరీరం వేరు ,మనం వేరు అనే కాన్సెప్ట్ నమ్మడానికి 
మనకు చాలా కష్టం . కాని ధ్యానం చేసి చూసినపుడు 
ఆ అనుభవాన్ని చూడటానికి మనకు సరిపోయే ఎనెర్జీ 
వచ్చినపుడు అది మనం ఫీల్ అవ్వగలం . 

నేను మాత్రం చదువుకున్న దాన్ని ఇవన్నీ నమ్ముతానా !
కాని భారత దేశపు ఆధ్యాత్మికత నన్ను దానిలోకి లాక్కెళ్ళి 
మరీ చూపిస్తూ ఉంటుంది . మన సుకర్మ లు పాప కర్మ లు 
బాలెన్స్ అయి మనం సత్వ దశలో ఉన్నప్పుడు మనకు 
ఎక్కడో ఒక దగ్గర లేదా ఎవరో ఒకరి ద్వారా ధ్యాన పరిచయం 
కలుగుతుంది . దాని సాధన చేస్తామా లేదా అనేది మన ఇష్టం . 
కాని దాని పరిచయం జరిగింది అంటే దానిలో మనం ముందుకు 
సాగవలసిన సమయం వచ్చింది అనేది స్పష్టం . 


ఒక రోజు తెల్లవారు జామున ధ్యానం చేసినపుడు నాకు 
ఈ ఆత్మ వేరు అనే  అనుభవం కలిగింది . ఉన్నట్లుండి  
నేను ఒక గుహలో ఉన్నట్లు ఆ గుహ నా శరీరం అయినట్లు , 
నేను వేరుగా, శరీరం వేరుగా అనిపించింది . నేను ఎందుకు 
ఇక్కడ ఇరుక్కొని ఉన్నాను అనిపించింది . ఇక ఇప్పుడు 
నేను ఆత్మ వేరే, శరీరం వేరే అంట .... అది పలానా 
వాళ్ళు చెప్పారు అనాల్సిన పని లేదు . ఎందుకంటె 
అది నేను చూసాను కదా . కాకుంటే మళ్ళా మన 
మామూలు జీవితం లోకి వచ్చేస్తాము ,అంతా మామూలుగా 
నడిచిపోతుంది అంతే . 

అక్కినేని గారు మనం డైరక్టర్ విక్రం గారిని అడిగారంట ..... 
''నాగార్జున కి ,చైతన్య కి హీరోయిన్స్ ని పెట్టావు ,నాకు 
పెట్టలేదే అని '' చనిపోయే ముందు కూడా ఎంత హుషారు . 
అందరికీ పంచి పెట్టగలిగినంత  ఆనందం . మనలో ఏది ఉంటె 
అదే అందరికీ పంచుతాము . కావాల్సింది అక్కినేని 
గారి లాంటి నిష్కల్మషమైన పసిబిడ్డ లాంటి  మనసు. 
దేవుని రాజ్యం పిల్లలదే అంటే అర్ధం ఇదే . దేవుని రాజ్యం 
అంటే సంతోషం తో నిండినది .... దానిలోకి బోలెడు కల్మషాలు 
అహాలు గల పెద్దలు ఎప్పటికీ ప్రవేశించలేరు . 
మిగిలిన జీవితాలలోకి తొంగి చూసే పని ఆపేసి మీ 
జీవితాన్ని మీరు పసి పిల్లలుగా పరిపూర్ణంగా అనుభవించండి . 
మీలో ఉన్న ఆనందాన్ని మీ చుట్టూ ఉన్నవారికి పంచండి . 
అప్పుడు మీరు కూడా చనిపోయినా అందరి హృదయాలలో 
బ్రతికే ఉంటారు . 
                      @@@@@@@@@@@  

మౌనాన్ని ఆశ్రయించండి

అందరికీ బుద్ధ పూర్ణిమ శుభాకాంక్షలు . 

 శ్వాస మీద ధ్యాస ఉంచండి . ఆలోచనలు కట్ చేయండి . 
ఒక్కొక్కరు ప్రశాంతంగా ఒక చేతి వేళ్ళలో ఇంకో చేతి వేళ్ళు 
ఉంచి కూర్చోండి . ఏమి మంత్రం  అనుకోవద్దు . గమనిస్తూ ఉండండి 
మీలో ఏమి జరుగుతుందో . మీ వయసు ఎంతో అన్ని నిమిషాలు 
కూర్చొని ధ్యానం చేయండి .... చెపుతూ ఉన్నారు రాఘవేంద్ర సార్ . 
మెడిటేషన్ క్లాస్ కు వెళ్లి వాళ్ళు చెప్పేవన్నీ వింటున్నాను . 
ఇంతకు ముందు గూడూరు లో మా అక్క, నేను రేవతి మేడం 
దగ్గర నేర్చుకున్నాము . ఇక ఇక్కడ నాయుడుపేట లో ఇక్కడ 
సెంటర్ ఉంది తెలిసి వచ్చాను . అందరు ఫామిలీస్ తోనే వచ్చారు . 
కొందరు చిన్న పిల్లలు కూడా ఎంత ముచ్చటగా చేస్తున్నారో !

ఇంకా చెపుతూ ఉన్నారు . ధ్యానం వలన ఆరోగ్యం బాగు అవుతుంది . 
మనసు ప్రశాంతం అవుతుంది . ఏకాగ్రత పెరుగుతుంది . 
''ఏమిటి ఇవన్నీ నిజామా ?''అడిగాను . 

''మేము చెప్పేది మేము చెప్పాము . నిజమో కాదో మీరు 
పరిశీలించి తెలుసుకోండి . ఎవరో ఏదో చెప్పారు అని నమ్మొద్దు . 
చెప్పిన వాళ్ళను దేవుళ్ళు చేయొద్దు . బియ్యం ఉడికిస్తే అన్నం 
వస్తుంది అని చెపుతాము . కాని మీరు చేసుకోవడం నేర్చుకుంటే నే 
కదా మీకు అన్నం వస్తుంది . 
అప్పో దీపో భవ 
ఎవరి కర్మ ను వాళ్ళే తొలగించుకోవాలి . ఉద్దరించుకోవాలి . 
ఎవరూ ఎవరి కోసం ఏమి చేయరు . దారి చెపుతారు అంతే . 
నడవ వలసిన వాళ్ళు మీరే '' అని చెప్పారు సార్ . 

సరే చూద్దాము . ఏదైనా చేసి చూడాలి ,సాదించాలి అనే పట్టుదల నాకు . 
మెల్లిగా అందరు కళ్ళు మూసుకొని ధ్యానం లోకి వెళ్ళిపోయారు . 
ఏవో ఆలోచనలు.... ఇప్పుడు కాదు అని వాటికి చెప్పేసి నా శ్వాస నే 
గమనిస్తూ ఉన్నాను . కళ్ళు మాత్రం తెరవాలి అనిపించడం లేదు . 
మెల్లిగా తల మీద ఏదో కొంచెం బరువుగా .... భయ పడాల్సినది 
ఏమి లేదు అని తెలుసు కాబట్టి చూస్తూ ఉన్నాను . మెల్లిగా ఏవో 
వైబ్రేషన్స్ శరీరం లోకి వస్తూ ,నడుము భుజాలు భలే నొప్పిగా అనిపిస్తూ 
ఉన్నాయి . రాఘవేంద్ర గారు ముందే చెప్పి ఉన్నారు ,అలా నొప్పిగా 
అనిపించినా ఓర్చుకొని అలాగే గమనిస్తూ ఉండండి . 
ముందు రాబోయే జబ్బులని విశ్వశక్తి శుబ్రం చేసి తొలగిస్తుంది అని . 

అందుకే గమనిస్తూ ఉన్నాను ,ఓర్చుకోలేనంత నొప్పిగా కూడా ఉంది 
కాసేపు . కళ్ళు  మాత్రం తెరవలేదు . మెల్లిగా నొప్పి తగ్గిపోయి ఎప్పుడు 
మౌనంగా ఉన్నానో నాకే తెలీదు . ఏ ఆలోచన  అనిపించదు . 
చేతులు ,శరీరం తేలిక అయిపోయినట్లు . చాలా హాయిగా ఉంది . 
అలాగే కూర్చోవాలి అనిపించేటట్లు . 
ఇంటి దగ్గర ఒక్కరమే చేసుకోవచ్చు కాని ,ఇలా 
అందరితో సామూహిక ధ్యానం చేస్తే మనం కళ్ళు తెరవము ,ఇంకా 
ధ్యాన స్థితి తొందరగా వస్తుంది . ఇంకా మనకు ఏవైనా కనపడినా ,
అనుభూతి చెందినా అలా ఎందుకు వచ్చిందో వివరిస్తారు .  

మెల్లిగా మౌనం లోకి జారిపోయిన అనుభూతి . చూస్తూనే ఉన్నాను . 
ఏదో ఒక స్తంభం బంగారు రంగులో కనపడింది . అందరు కళ్ళు 
తెరిచేసరికి నేను తెరిచాను . 
నాకు కనపడింది చెప్పి దీని అర్ధం ఏమిటి అని అడిగాను . 

''అమ్మ మీరు ఇంటికి వెళ్లి దీని అర్ధం ఏమిటి అని మనసులో 
అనుకోని దానికి సమాధానం వచ్చేవరకు ధ్యానం చేయండి ''అన్నారు . 

వదిలే రకం కాదు నేను . అలాగే ఇంటికి వెళ్లి ధ్యానం చేసాను . 
చాలా సేపటికి మళ్ళా ఆ బంగారు స్థంభం కనపడింది . 
మెల్లిగా దాని పై భాగం ,దాని పై ఒక పద్మం దానిలో శివ లింగం . 
అర్ధం కాలేదు కాని ఇంకా గమనిస్తూనే ఉన్నాను . మెల్లిగా నాలోకే 
ఏవో అక్షరాలు 
''అన్ని సత్యాలు మీకే ... అన్ని లోకాలు మీకే '' అని . 
అదే నా ఫస్ట్  మెసేజ్ . అలా వస్తుందని కూడా నాకు తెలీదు . 

కాని నాకు ఇప్పుడు తెలిసింది ఏమిటంటే మనసు తో మౌనాన్ని ఆశ్రయిస్తే 
ఎంతో జ్ఞానాన్ని ,ప్రశాంతతను పొందవచ్చు అని . 
ఇదంతా నమ్మొచ్చా ?అని మీరు అడిగితే ఒకటే చెపుతాను . 
నమ్మమని ఎవరు చెప్పారు . గుడ్డిగా ఏదీ నమ్మొద్దు . 
నిజమో కాదో కాసింత సేపు కళ్ళు మూసుకొని చూడండి . 
మీ జ్ఞానాన్ని మీరే పొందండి .  

ఎప్పుడైనా మా మేనమామ గారు ఫోన్ చేస్తే నీ ఆరా బుక్ ఎప్పుడు 
వ్రాస్తావు శశి  ?నీ ధ్యాన అనుభవాలు తెలుసుకోవాలి అని ఉంది అంటారు . 
వాటి  వలన ఎవరికైన ప్రయోజనం ఉంది అనుకున్నప్పుడు 
వ్రాస్తాను . ... లేకుంటే లేదు . 

గురువా ?శిష్యుడా ?ఎవరు గొప్ప ?

  ఇప్పుడెందుకు ఈ డిస్కషన్ ?
కొన్ని సార్లు అనవసరమైన పనిలో కూడా ఏదో 
అవసరమైన విషయం  ఏదో దొరుకుతుంది . 
అసలు దాని కోసమే దీనిని చేసామా అని కూడా 
అనిపిస్తూ ఉంటుంది . కొంత సేపు దీని గూర్చి ఆలోచిస్తే 
ఇంకేదో జ్ఞానం వస్తుందేమో ఎవరికి తెలుసు ?

భారత దేశం లో గురువు స్థానాన్నే ఉన్నతంగా 
గౌరవిస్తారు . కొన్ని కష్ట సమయాల్లో గురువుని 
తలచుకొని శిష్యులు వాటిని దాటడం చూస్తే గురువే 
గొప్పవాడు అనిపిస్తుంది . 

ఉదాహరణకు మంచి గురువు కోసం వెతికేటపుడు 
వివేకానందుల వారు రామకృష్ణ పరమహంస  ను 
చూసి ''మీరు దేవుడి ని చూసారా ?'' అని అడుగుతారు . 
అప్పుడు రామ కృష్ణుల వారు ''ఇదిగో నిన్ను ఎంత 
స్పష్టంగా చూస్తున్నానో అంత స్పష్టంగా చూసాను '' 
అని చెపుతారు . 
ఇంకా వివేకానందులు సైరన్ శబ్దం విని ధ్యానం 
చేయలేనపుడు ,పేదరికం తో ఇబ్బందులు పడుతున్నప్పుడు 
గురువే అతనికి తోడుగా ఉంటూ నడిపిస్తాడు . 
చికాగో లో కూడా చేతిలో డబ్బులు లేక ముందుకు 
పోలేని పరిస్థితి వివేకానందులకు వచ్చినపుడు 
గురువుగారి సహాయం కోరుతారు . 

పరమ హంస యోగానంద వారు  కూడా తన గురువు 
తనకు ఎన్ని సార్లు తోడుగా  నిలిచి   నడిపించారో 
వ్రాసి ఉన్నారు . తన చెల్లికి బాగా లేనపుడు ముత్యం 
ధరించమని చెప్పడం,తను ఆధ్యాత్మిక ప్రచారానికి 
చదువు కావాలి కాబట్టి పరీక్షలో తనకు వచ్చిన 
ప్రశ్నలే వస్తాయి అని చెప్పి పంపించడం ఇలాగ 
వాస్తవ జీవితం లో కూడా గురువులు తోడుగా ఉండటం 
కనిపిస్తుంది . 

కాని రామ కృష్ణుల వారే చెప్పిన 
ఒక కధ వింటే ఎవరి కోసం ఎవరు 
జన్మించారు అనే సందేహం 

 

వస్తుంది . 

ఒక రోజు రామకృష్ణుల వారు 
ఈ కధ చెపుతారు . 
''ఆకాశం నుండి ఒక చిన్నబాబు 
భూమి పై పుట్టడానికి వస్తూ 
మధ్యలో సప్తర్షి మండలం లో 
ఒక రుషి దగ్గర ఆగి....  
''నువ్వు తప్పక నా కోసం 
వస్తావు కదా ''అని అడిగి 
అతను నవ్విన తరువాత 
భూమికి వస్తాడు . 
దీనిలో ఆ రుషి వివేకానందులు 
అని తాను చిన్న బిడ్డ అని చెపుతారు . 

శిష్యులు ఎప్పుడు వస్తారా అని రామ కృష్ణులు వారు 
నది దగ్గరకు వెళ్లి ''నాయన లారా మీరు ఎప్పుడు వస్తారు ?
అని బిగ్గరగా అరుస్తూ దిగులుగా ఎడ్చేవారట . 
ఇంకా వివేకానందు లు  పెళ్లి వద్దని పారిపోదాము 
అనుకుంటే రామ కృష్ణులు వారు వెళ్లి నన్ను వదిలేసి 
వెళుతావా ?అని అడుగుతారు . 
పరమ హంస యోగానంద గురువు యుక్తేస్వర్ గారు 
శిష్యుడు కోసం శ్రీరాంపూర్ లోనే ఒక కాలేజ్ 
సంకల్పం తో పెట్టిస్తారు . 
గురువు నేర్పిన ఆధ్యాత్మిక జ్ఞానం ప్రపంచ మంతా 
వ్యాపించింది శిష్యుల వలననే . 
గురువులు శిష్యుల 

కోసమే ప్రతి క్షణం తపిస్తూ ఉంటారు . 

వీరిలో ఎవరు గొప్ప ?
అనే ప్రశ్న వేస్తే .... 
అసలు గొప్ప అంటే ఏమిటి 
అనే ఆలోచన వస్తుంది . 
త్రీ డి నిర్మాణం లో ఉండే ఈ లోకం లో 
కాలం ,వయసు అన్నీ రుజు మార్గం లో 
పయనిస్తాయి . 
అందుకని  ముందు ఉండేది గొప్ప అని ,
వెనుక ఉండేది తక్కువ 
అని నిర్ణయిస్తాము . 

కాని కారణ జన్ములు వచ్చిన లోకం లో అభివృద్ది 
అనేది 360 డిగ్రీల వృత్తాకారం లో ఉంటుంది . (అసలు వృత్తాకారం 
కూడా కాదు గోళాకారం లో ఉంటుంది . అంటే ఒక ఉమ్మెత్త 
కాయ ముళ్ళ లాగా ..... ఇంకా ఎక్కువ శీర్షాలతో ,అందుకే 
ఆధ్యాత్మిక సంపన్నులమైతే ''సహస్ర శీర్షం  దేవం ''అన్నారు . 
ఒక విషయం గూర్చిన జ్ఞానం అన్ని కోణాలుగా మనం అర్ధం 
చేసుకోగలం )
ఒక్కో జన్మ లో ఒక్కో కోణం . గురువు ఒక కోణం లోని జ్ఞానం
సాధిస్తే శిష్యుడు ఇంకో కోణం లోని జ్ఞానం సంపాదిస్తాడు . 
ఒకే వైపు పయనించని వారి జీవితాలని ఎవరు గొప్ప 
అనే ప్రశ్న ఎక్కడ ?ఎవరి జీవితం వారిదే .  

ఇంకా వివరంగా చెప్పాలి అంటే విద్యుత్తు ప్రసరణం కోసం 
కొన్ని లోహాలు ఆనోడ్స్ , కాతోడ్స్ గా విడిపోయినట్లు, 
ఆధ్యాత్మిక జ్ఞాన ప్రవాహం కోసం గురు శిష్యులుగా 
పుట్టిన ఆత్మలు వాళ్ళు . శరీరాలు వేరు అయినా 
వచ్చిన కార్యం, చేస్తున్న కార్యం ఒకటే . 

ఇన్ని గురుశిష్యుల పరంపరల లక్ష్యం మనకు 
ఆధ్యాత్మిక జ్ఞానం ప్రసాదించడమే అని మనం తెలుసుకున్న 
రోజు మనలో ఈ ఘర్షణ ఆగిపోయి అనంత జ్ఞాన 
సముపార్జన లో మునిగిపోతాము . 

మౌనమే నీ బాష ఓ మూగ మనసా ....

మౌనమే నీ బాష ఓ మూగ మనసా .... 

ఏమిటో కవి గారు ఇలాగ చెప్పారు . మౌనం దేని గూర్చి చెపుతుంది ?

ఎలా చెపుతుంది ?

'' మౌనంగానే ఎదగమని మొక్క నీకు చెపుతుంది ''

ఏమిటో మౌనం గా కూర్చుంటే ఏమి ఎదుగుతాము? ఎక్కడ 

ఎదుగుతాము ? 

ఏమి చెపుతున్నారు వీళ్ళు అందరు . ఉండండి ఒక పెద్దాయన 

ఉండేవాడు అరుణాచలం లో .... అందరి చేత మౌన స్వామీ అని 

పిలిపించుకుంటూ ఉండేవారు . ఆయనను అడుగుదాము . 

ఈయన నాకు ఎలా పరిచయం .... ఒక సారి ఒక పదేళ్లకు ముందు 

ఆటో లో వస్తూ ఉంటె ఈయన ఫోటో చూసాను . ముసలి వ్యక్తి ... 

ఎవరబ్బా ఈయన ఫోటో ఆటోలో పెట్టుకున్నారు అనుకున్నాను . 

అడగాలి అనుకుంటే మాటలు కూడా రావడం లేదు . ఆ ఫోటో 

చూస్తూ ఉంటె ఏదో నిశ్శబ్దంగా ... చూస్తూ ఉంటె చూడాలి అనిపిస్తూ 

ఉంది . ఆ ట్రాన్స్ లోనే ఇంటికి వెళ్లాను . ఎవరోలే అనుకున్నాను 

కాని ఆ నవ్వు .... అబ్బ ఏమి లాగేస్తుంది ... మరో ఆలోచనే రావడం లేదు . 

అదేదో సినిమాలో చెప్పినట్లు 

''అపరంజి సుతుడే అనురాగ విహితుడే అతడేమి అందగాడే '' 

మళ్ళా ఒక సారి బస్ లో చూసాను ఫోటో . చూపు తిప్పలేకపోతుంటిని. 

తరువాత ఒక బుక్ ఒక పిల్లవాడి దగ్గర దొరికింది . అందులో చూస్తే 

''రమణ మహర్షి '' అరుణాచలం లో ఉంటారు అని ఉంది . ఓహో వెళ్లి 

చూస్తే బాగుండును . ఎక్కడో అది ?

అనుకోకుండా నాన్న ఫోన్ . అరుణాచలం టూర్ బస్ వెళుతుంది ,వస్తారా ?

హమ్మయ్య నాన్న ఈయన పిల్లలు ఇంకా బస్ సీట్లు ఖాళి ఉన్నాయి 

అని చెల్లి పిల్లలు .... ఎప్పుడో రాత్రి ప్రయాణం మొదలు పెడితే వాడు 

శుబ్రంగా కాణిపాకం చూపించి సాయంత్రానికి చేర్చాడు అరుణాచలం . 

శివుడి గుడి మాకు తెలుసు .... ఎందుకంటె రాధిక '' శివయ్య '' 

సీరియల్ చూసే వాళ్ళం కదా . 

గుడి చూసి ఆశ్రమానికి వెళ్ళే సరికి చీకటి పడుతూ ఉంది . పెద్ద హాల్ 

లో ఆయన ఫోటో లు . చిన్నప్పటి నుండి . బాప్రే ఇంత చిన్నప్పటి 

నుండా ! ఎదురుగా లక్ష్మి అనే ఆవు సమాధి . ఆవుకు సమాధా  ?

అదీ ఇక్కడ !ఏదో ఇంటరెస్టింగ్ . ఈయన సామాన్యుడు కాదు . పక్కనే 

రూం లో స్వామీ వారు దివాన్ మీద కూర్చునట్లు ఫోటో . అదే గోచి . 

అదే నవ్వు . అదాటున చూస్తే ఆయన అక్కడ ఉన్నారా అనిపిస్తూ 

ఉంది . ఇంకా ఆయన వాడిన వస్తువులు ,ఆశ్రమం మొత్తం చూసి ఒక 

బుక్ కొనుక్కొని వచ్చేసాము . 

ఇంటికి వచ్చినాక మా చిన్న పిన్ని అడిగింది ''గిరి ప్రదక్షిణం ''చేసారా ?

అని . అదేమిటి ?వింతగా అడిగాను . ''పిచ్చి మొహమా అరుణాచలం 

లో చెయ్యాల్సిందే గిరిప్రదక్షినం ,ఆయన తపస్సు చేసిన స్థలాలు ,తీర్దాలు 

ఉంటాయి .ఇంకా అసలు ఆ కొండే దేవుడు ''అని చెప్పింది . 

తరువాత బుక్ చదివాను ..... స్వామీ వారే దగ్గరుండి అందరిచేత 

గిరి ప్రదక్షిణం చేయించేవారంట . ఎప్పుడు కొండకు ఆనుకొని నడవొద్దు ,

అక్కడ నిశ్శరీరులైన దేవతలు ప్రదక్షిణం చేస్తుంటారు ''అని చెప్పి 

దూరంగా  నడిపిస్తూ ఉంటారంట . 

ఆ మహిమలు ,ఆయన అరుణాచలం కి రావడం ,ఆయన మృత్యు 

అనుభవం చదువుతూ ఉంటె ఎందుకులే నా బాధ బాధ కాదు . 

అయ్యో ఇంత విషయాన్ని మిస్ అయిపోతినే . ముందు ఈ బుక్ 

చదివి ఉండకూడదా అని ఒకటే దిగులు . 

తరువాత పక్కింటి వాళ్ళు వెళుతుంటే నేను ఒక్కటే వాళ్ళతో వెళదాము 

అనుకున్నాను . చిత్రం నివాస్ అప్పుడే బాత్రూం తలుపు వేస్తూ బొటన వేలు 

నలిగి ఒకటే రక్తం . పదో తరగతి చదివే పిల్లాడు ,ఏమైనా చిన్న పిల్లాడా 

ఇలా జరిగింది అని .... శకునం బాగా అనిపించక వెళ్ళ లేదు . 

తరువాత చెప్పారు ... రమణ మహర్షి గారి అనుమతి అయితేనే 

మనం వెళ్ళ గలం అని . ఇప్పటికీ వెళ్ళ  లేదు. 

ఆయన చెప్పేది ఒకటే మౌనంగా కూర్చొని నేను ఎవరిని అని 

విచారణ చేస్తూ ఉంటె ఆ నేను ఎవరో అదే తనలోకి లాక్కుంటుంది . 

కాని నా అనుభవం ఏమిటి అంటే మనం మౌనంగా కూర్చోవడం 

కాదు ,సద్గురువు ఎనెర్జీ లోకి మనం రాగానే మనం మౌనం లోకి 

వెళ్లిపోతాము . ఏమి జరుగుతుందో మనకు తెలీదు కాని ఏమో 

తెలిసినట్లు ఏదో ప్రశాంతత . అది అనుభవించాల్సిందే ..... 

మాటల్లో చెప్పలేము . 

ఈ రోజు వారి జయంతి . ''సద్గురు రమణ మహర్షుల వారి 

పాద పద్మములకు ప్రణామాలు ''  

చూస్తే బాగుండును .  

అనగనగా ఒక మియావ్ ......

అంటే బుజ్జి పిల్లి అన్న మాట . 

ఇప్పుడు మీకు ఒక మంచి కధ  చెపుతాను . 

 నేను వ్రాసిందే . మీకు తప్పకుండా నచ్చుతుంది . 

బుజ్జి పిల్లి పిల్ల . అప్పుడే పుట్టింది . 

తల్లి పిల్లి మంచిది . బుజ్జి పిల్ల మంచిది . 

అయితే ఆ అమ్మ పిల్లి నోటితో దానిని   ఎత్తుకొని తీసుకుని పోతూ ఉంది . 

అప్పుడప్పుడు కొంచెం కళ్ళు తెరిస్తే బుజ్జి మియావ్ కి కింద 

దారి వెళుతూ  ఉంటుంది . లేకుంటే వెనక్కి వెళ్ళే చెట్లు . 

చిన్న పిల్ల కదా పూర్తిగా తెరవలేక కళ్ళు మూసేసుకుంటూ ఉంది . 

మళ్ళీ  తెరిచినపుడు కొంచెం తల ఎత్తి పైకి చూసింది . 

నీలాకాశం  దాని కింద కొంచెం అమ్మ మీసాల చివరలు .... 

మళ్ళా రెప్పలు ఆర్పి చూస్తే అమ్మ పిల్లి చెవుల చివర్లు .... 

తెల్లటి చెవులు వెలుతురు పడి  కొంచెం ఎర్రడాలుగా . 

అది వాళ్ళ అమ్మని చూడలేదు . అది తనను ఎత్తుకుపోతుందని తెలీదు . 

బుజ్జి పిల్ల మెల్లిగా శక్తి వస్తూ ఉంటె తోక ఊపుతూ చుట్టూ చూస్తూ ఉంది . 

భలే ఉంది కదా ... కధ . 

ఏమిటి నచ్చలేదా ?సరే ఇంకొంచెం చెపుతాను . 

మెత్తగా ఉండే బుజ్జి పిల్లి  పిల్ల ..... చిన్నగా మియాం అంటూ .... 

వాళ్ళ అమ్మ దానిని నోటితో తీసుకొని పోతూ ఉంది . 

చిన్న పిల్లి పిల్ల .... దానిని వాళ్ళ అమ్మ తీసుకుని పోతూ ఉంది . ఎక్కడికీ ? 

నచ్చలేదా ?ఇంతే కధ .... ముగింపు కావాలా ? 

అయ్యో ఇది నా కొత్త ప్రయోగం అండి . అన్నీ నేనే చెప్తే పాటకులు 

ఏమి చేస్తారు ?ఓ కొడుతూ వింటారా .... వాళ్ళ బుర్రలకు పని ఉండొద్దా ? 

అయినా నచ్చలేదా ? 

ఇదే కధ  మీ పిల్లల కు చెప్పండి . ఎంత నచ్చుద్దో !

ఒక బాబు అంటాడు ''బుజ్జి మియాం ని నా దుప్పట్లో పడుకోబెట్టుద్ది ''అని 

ఇంకో పాప అంటుంది ''నా సైకిల్ బుట్టలో పెట్టడానికి ''అని 

ఇంకో పిడుగు అంటాడు ''నా పుస్తకాల బ్యాగ్ లో పెట్టుద్ది . నేను మా 

ఫ్రెండ్స్ కి చూపిస్తాను ''అని .... ఇంకా బోలెడు ఎండింగ్స్ చెపుతారు . 

ఏమిటి ఇన్ని ఎండింగ్స్ ఉన్నా నచ్చలేదా ?మీ మేధావులతో ఇదే 

తల నొప్పి .... మీకు  నచ్చిన ఎండింగ్ చెపితే కాని మీకు నచ్చదు . 

సరే ఇంకొంచెం చెపుతాను . 

పిల్లి పిల్లకు కొంచెం శక్తి వచ్చింది . పరిసరాలు చూస్తూ ఉంది . 

మెల్లిగా కుడి వైపు బద్దకంగా పంజా ఇసిరి కొట్టింది . చిత్రం కింద ఉండే 

దారి కుడి వైపుకు వెళ్ళింది . అరె భలే ఉందే !అనుకుంది . 

ఈసారి ఎడమకు పంజా విసిరింది . చిత్రం ఎడమకు వెళ్ళసాగింది . 

కాసేపు ఎడమ కాసేపు కుడి ఇలాగా ఎన్నో సార్లు ప్రయోగాలు చేసింది . 

అరె నాకు ఎంత శక్తి నేను ఎటు కావాలి అంటే అటు వెళ్ళగలను . 

ఏమైనా చేయగలను !అనుకుంది . ఒక నిమిషం గమ్ముగా ఉంది . 

చిత్రం అది ఏమి చేయకపోయినా ముందుకు వెళుతూనే ఉంది అని 

గ్రహించింది . ఎడమ పంజా విసిరింది . అయినా చిత్రం ఎడమ వైపుకు కదలలేదు . 

బిత్తర పడిపోయింది . అయ్యో నా శక్తి ఏమైంది ?అనుకుంది . 

ఏమి చెయ్యాలి ?  గమ్ముగా కూర్చుంటే ఏమైనా అవుతుందేమో .... అని భయం 

వేస్తూ ఉంది . మళ్ళా ధైర్యం తెచ్చుకుంది . మెల్లిగా తల పైకి ఎత్తి 

చూసింది . మెత్తగా తన నడుమును పట్టుకొని ప్రేమగా ముందుకు 

చూస్తూ దృడంగా అడుగులు వేస్తూ ఏదో శక్తి ..... అర్ధం అయింది . 

ఆకాశాన్ని అంటుతూ అంతటా నిండి నిబిడీకృతమైన ఈ శక్తి ప్రతిబింబ మైన 

చిన్న అణువును నేను . నా ప్రమేయము నామ మాత్రమె . 

సురక్షితమైన గమ్యానికి చేర్చగల శక్తి వడిలో  ఊగే బుజ్జి పిల్లను నేను . 

ఈ ప్రయాణాన్ని గమనిస్తూ ఆనందిస్తూ అనుభవాలని ,జ్ఞాపకాలను పోగు 

చేసుకొని పరిపూర్ణ జ్ఞానం తో ఎదగడమే నేను చేయవలసినది . 

అంటే అది చక్కగా అమ్మ స్పర్శను అనుభవిస్తూ తన శక్తి కి గర్వపడకుండా 

చుట్టూ పరిసరాలను గమనిస్తూ ఆనందం లో మునిగిపోయింది . 

అరూపమైన ఇరుసులో నిలబడి చలించే ప్రాణికి గమ్యం తో పని ఏముంది ?

ప్రయాణం తో తప్ప ?

ఎక్కడికి వెళుతున్నామో అర్ధం అయితే ఆనందం . 

అర్ధం కాక పోతే మహదానందం ..... ఇప్పటికైనా కధ నచ్చిందా ? 

మనలో మాట గణపతి స్వామీ ''రమణి మహర్షి '' దగ్గరకి వచ్చిన భక్తునికి 

రమణ మహర్షి వైపు చూపుతూ ఇలా అన్నారంట ,

''మా తమ్ముడు వేయి రూపాయలు సంపాదిస్తున్నాడు ,నేను వంద రూపాయలు 

సంపాదిస్తున్నాను . నువ్వు పది రూపాయలు అయినా సంపాదించుకోవా ?''అని . 

మరి మీరు ఎంత డబ్బు సంపాదిస్తున్నారు ?ఒక్క సారి లెక్కలు చూసుకోండి !

జన్మలు ఉన్నాయా?

''న్యూటన్ ఇలా రా "
మెడిసెన్ కోచింగ్ కోసం చేరిన అక్క ,ఫ్రెండ్స్ అందరు ఉలిక్కి పడి  చూసారు.
ఒక వేళ  ఈయన ఫిజిక్స్ లెక్చరర్ అయితే మాత్రం ఇలాంటి పేరు
పెట్టుకుంటారా?
తరువాత ఈ విషయాన్ని అక్క నాకు ఆశ్చర్యంగా చెప్పింది.
ఆయన విద్యానగర్ కాలేజ్ లోనే పని చేసేవారు కాని ,నేను ఆ కాలేజ్ లో
ఇంటర్ చదివేసరికే వాళ్ళు నెల్లూర్ వెళ్లి పోయారు ''కోరా కోచింగ్ ''సెంటర్
పెట్టుకొని.అప్పట్లో అది చాలా ఫేమస్.తరువాత దానిని రత్నం లో కలిపేసారు.

మళ్ళా ఆ న్యూటన్ అనే పేరు మెడిటేషన్ లోకి వచ్చిన తరువాత విన్నాను.
ఏదో పిరమిడ్ ఓపనింగ్ కి వచ్చారు అని.ఎప్పుడూ చూడ లేదు.
కాని జీవితం లో ఆ పేరు వింటూనే ఉన్నాను.వాళ్ళ కౌన్సలింగ్ గూర్చి
చెపుతూనే ఉంటారు కొంత మంది.
ఇదిగో ....ఈ రోజు వాళ్ళ మధ్య అనుభంధం గూర్చి ''సాక్షి ఫ్యామిలీ''లో
చదివి ,వాళ్ళను చూసి నిజంగా థ్రిల్ అయ్యాను.
ఎంత చక్కగా చెపుతునారో భార్యా భర్తల భంధం గూర్చి .....
నిజమే మన పార్టనర్ ని చూస్తె వీళ్ళను వదిలి ఉండాలేము ఏమో  అనిపిస్తూ ఉంటుంది,
అది కాని జన్మ జన్మ ల బంధం అయితే .....

(న్యూటన్ శ్రీ లక్ష్మి గార్ల ఇంటర్వ్యు లింక్ ఇక్కడ )

దేవుడు కనపడి వరమిస్తే ....

దేవుడు కనపడటమా?వరం ఇవ్వడమా ?
నాన్సెన్స్ ...ఏమిటండి పుటుక్కున అలా అనేసారు.
ఇలాగ అనుకోవడం వలన మన లక్ష్యాలు ఎన్ని 
ఉన్నాయి ఇలాగ మనకు ఒక క్లారిటీ ఏర్పడుతుంది.

సరే లెండి ....గొడవ ఎందుకు ఇప్పుడు ముందు 
టాపిక్ చూద్దాము.ఇప్పుడు టకామని మా ముందు 
దేవుడు ప్రత్యక్షం అయ్యాడు అనుకోండి ......
ముందు మా అయన వంతు....
ఏమడుగుతాడు అంటే సింపుల్ 
''స్వామీ శశి ,పిల్లలు ఎప్పుడు బాగుండాలి''అని నా వైపు 
గొప్పగా చూస్తాడు.....నేను గుడ్ అని తలఊపి 
శేబాష్ అన్నట్లు నవ్వుతాను.అప్పుడు నాకు గుర్తుకు 
వస్తుంది.
''ఏమండీ ....కేవ్వ్వ్వవ్వ్వ్వవ్వ్వ్ మీ గూర్చి 
కోరుకోలేదు''
''ఒరే ....పర్లేదులే మీరు బాగుంటే నేను బాగుంటాను''
''ఊహు అలా కాదు మీ గూర్చి కోరుకొనాలి ''

ఇప్పుడు ఎలా?మనకేమో దేవుడు ఇంకో వరం ఇస్తాడో లేదో 
పెద్ద క్లారిటీ లేదు.అయినా మనం ఫీల్ అవుతాం కాని 
దేవునికి లెక్క ఏమిటి?అమ్మ కన్నా ఎక్కువ కదా 
మనం అంటే ఎంతో  ప్రేమ కదా...ఎన్ని అడిగినా ఇచ్చేస్తాడు కదా !
ఈయన వెంటనే వద్దు లేవే 
ఇంకోటి అడిగితె ఏమంటాడో ఏమో...సందేహం.

''మీరు ఊరుకోండి ..మీకేమి తెలీదు.నేను లేకపొతే 
ఎలా బ్రతుకుతారో ఏమో...అ..నేను అడుగుతాను 
నాకు వరం ఇంకా ఇవ్వలేదు కదా "
ఏమని అడగాలి?నా మాంగల్యం చల్లగుండాలి అంటే...
అయితే ప్రిజ్ లో పెట్టు అంటాడేమో...అయినా దేవుడు 
జోకులు వేస్తాడా ఎక్కడైనా......ఆ...ఐడియా...

''స్వామీ నేను ముత్తైదువగా చనిపోవాలి''
ఆయన చిన్నగా నవ్వాడు...తరతరాలుగా ఇదే 
డైలాగ్ ...మీరు ఇంక మారరా?సరే ఇచ్చితిని పో .....
హమ్మయ్య ....అందరం సేఫ్....మా పిల్లలు ఏమి కోరుకుంటారో?
దాని మీద నాకు క్లారిటీ లేదు.

ఇంకా కొన్ని కోరికలు కధలలో విన్నాను.ఇవి ఒక్క 
కోరిక లాగే ఉంటాయి ఆని మల్టిపుల్ అన్న మాట.

మొదటి కధ ....ఒకామె దేవుడిని కోరిందంట 
మా ఇంట్లో బంగారు ఊయలలో నా కొడుకు ఊగుతుంటే 
మా అత్తామామలు సంతోషంగా చూడాలి అని....
అంటే బంగారం,కొడుకు,అత్తమామలకు చూపు ఇలా 
ఒకే కోరికతో అనీ వచ్చేసాయి.

ఇంకో కద రాజు గారు ఒక యువకుడిని ఏమి కావాలో 
కోరుకో అనే ''మీరు మా ఊరికి వచ్చి మూడు రోజులు ఉండాలి''
అని కోరుతాడు.పాపం అని ఆ యువకుడి మీద అందరు 
జాలి పడుతారు.తీరా రాజు ఆ ఊరికి బయలుదేరితే తెలుస్తుంది 
విషయం.ఆయన కోసం ఆ ఊరికి రోడ్,బావులు,సత్రాలు,
వైద్య్యశాల,గుడి,బడి అన్ని కట్టించేస్తారు.అప్పుడు అందరు 
శెబాష్ అంటారు.
సరే ఇప్పుడు ఎవరు ఏమి కోరుతారో చూద్దాము....
ఒక క్రీడాకారుడు ఉంటె ...పతకాలు 
ఒక రచయిత ఉంటె ....రచనలకు పేరు 
వ్యాపారస్తుడు ....వ్యాపారం లో ధనం ఇలాగా 

మరి సంవత్సరం లోపు పసి బిడ్డలు ఏమి కోరుతారు?
ఏమి కోరుతారు చక్కటి నవ్వులు దేవునికే ఇచ్చి 
పంపేస్తారు.

అసలు ఏమి కోరుకోవాలి?ఏదైనా శాశ్వతంగా ఉండాలి 
అనుకుంటాము కదా....శాశ్వతం అంటే ఎప్పటికి మారనిది.
ఎప్పటికి మారనిది ఏమిటో తెలుసా?అదే సత్యం 
ఎప్పటికి మనం కోరుకోవాల్సినది ....
మనం చేరుకోవాల్సినది అదే ...
అప్పుడే మనకు అమృతత్వం 

అందుకే అన్నారు 
''అసతోమా సద్గమయా 
తమసోమా జ్యోతిర్గమయా 
మృత్యోర్మా అమృతంగమయా''

ఇక ఎప్పుడైనా మీరు కోరుకోవాల్సి వస్తే ఏమి 
కోరుకోవాలో తెలుసా?
''ఆత్మజ్ఞానం''అది ఉంటె అన్ని మన వెంటే ......

దీనికి ఏమి చేయక్కర్లేదు.కళ్ళు మూసుకొని ప్రశాంతంగా 
''శ్వాస మీద ధ్యాస''అంటే గమనిస్తూ ఉండండి.
గమనిస్తూ ఉండండి.మీలో ఎక్కడ ఏమి జరుగుతుందో గమనిస్తూ 
ఉండండి.ఒక తల్లి కడుపులో పిండం లాగా 
మీలో జరగాల్సిన మార్పులు జరిగిపోతాయి .
మీరు సత్యాన్ని చేరిపోతారు.ఎలా?అంటే ....
ఇదిగో ముందు కావాల్సిందే విశ్వాసమే .....
పాలల్లో వెన్న ఉంది అని మాత్రమె చెపుతారు.
చేయాల్సిన రీతిలో కళ్ళు మూసుకొని గమనిస్తూ 
ఆ వెన్నను చూడాల్సిన బాధ్యతా మీదే....

అనుభూతులు అన్నీ అక్షరీకరించ గలమా?

చల్లగా నిమురుతూ ఉన  గాలి ...తొలి కిరణాలు వెచ్చగా  
విచ్చుకుంటూ పువ్వులా ఆకాశం ..ఇదే కదా సమయం 
స్వామికి పూవులు కోయ్యటానికి...మెల్లగా వచ్చి నిలుచున్నాను 
చెట్టు కింద...కాళ్ళకు మెత్తగా గమ్మత్తుగా పలకరిస్తున్న 
భూమాత స్పర్శ.....బద్దకంగా కళ్ళు విప్పుతూ కూడా 
పూజకు అనగానే బుట్టలో బుద్దిగా చేరుతున్న సుమాలు 
స్వామిని చేరాలి అని వాటికి కూడా తొందరే సుమా...

ఉన్నట్లుంది బుజం పై జిల్లుమని వళ్ళంతా పాకుతూన్న 
కంపనాలు..యేమని చెప్పాలి...చూస్తె ఒక చక్కని పారిజాతం 
బుజ్హం పై వాలి తన ముఖం పై వాలిన మంచు ముత్యాన్ని 
మోసుకోస్తూ....చల్లదనాన్ని పంచుకోమని నాకు కొంచెం ఇచ్చింది.
మెల్లిగా పూవుని అరిచేతిలోకి తీసుకున్నాను.అరె ఇది స్వామికి 
తప్పు  వద్దు  అని బుద్ది హెచ్చరించేలోపలె ...ముక్కు పరిమళాన్ని 
పులుముకుంది.తెల్లని పూరేకుల స్వచ్చతను హృదయం హత్తుకుంది.

తెల్లని రెక్కలు చిన్నగా విప్పార్చిఎర్రటి బుజ్జి కాడలతో 
 నన్ను చూసి మెల్లిగా నవ్వుతూ ........................
ఏదో తెలియని ఆనందం వివశ ను  చేస్తుంటే తటాలున పొంగిన 
ఆవేశం పెదాల పైకి దొర్లి పూరెక్కలపై పెదాల ముద్ర గా 
మారిపోయింది.

''అయ్యో యెంత పని చేసాను పూజకు ఈ పూవు పనికి రాదు 
స్వామీ యెంత ఘోరం దీనిని వృధాగా నేలపై రాల్చ వలసినదేనా ?
మట్టి  రేణువులు అంటినా పనికి వచ్చే పారిజాత సుమం 
నేడు నా పెదాలను తాకి మలినం అయిపోయిందే?

బాధ మనసుని మెలి పెడుతుంటే పువ్వును అరి చేతిలో 
తీసుకొని వెళ్లి స్వామీ పాదాల ముందు మోకరిల్లాను.
అరచేతిలోని పువ్వు స్వామికి చూపిస్తూ 
''తండ్రి కరుణా సముద్రుడివే 
శబరి  భక్తికి మెచ్చి ఎంగిలి పండ్లను తిన్నావే 
తిన్నని భక్తీ కి మెచ్చితను  పెట్టినవి తిన్నావే?
ఈ పూవుపై నా పెదవి సోకెనని వెలి వేసేదవా?
నేను చేసిన తప్పు కు దీనికి యెంత శిక్ష ?
రక్షించవా ప్రభూ ....బాధ కళ్ళ నుండి ఉబికి 
బుగ్గల పై జాలు వారుతూ ....చేతిలోని పూవుని 
అభిషేకించింది.

చల్లని నవ్వుల రేడు కరుణతో చూస్తున్నాడు.
భావాలు తెలియాలంటే మాటలు కావాలా?
తరంగాలుగా వ్యాపించే శక్తి నా ఆత్మను ఓదారుస్తూ 
స్వామీ ప్రేమను పులుముతుంది.....గాయపడిన 
గుండెకు ఔషదం లాగా....
''పుష్పం, ఫలం,పత్రం,జలం,తోయం 
భక్తితో ఇచ్చినవి నేను ఎప్పుడు కాదు అన్నాను?
కుండలు చేసే కుమ్మరి వేళ్ళకు అంటిన మట్టిని 
కూడా సుమాలుగా స్వీకరించలేదా?
నీనుండి పెల్లుబికి పెదాలపై వాలిన ప్రేమ నేను కాదా?
మలినాలు మీ మనసులకే ,ఆత్మకు కాదు 
నువ్వు ఆత్మా నేను పరమాత్మా...రెండు కలిస్తేనే 
ఆ ఆనంద పరవశం ...తియ్యగా నవ్వుతున్న 
స్వామీ పాదాలపై రివ్వున యెగిరి చేతిలో నుండి సుమం 
వాలి పోయింది....ఎక్కడ ఉండాలో తెలిసినట్లు.

ఆత్మ వాలిపోయింది పరమాత్మ కౌగిలిలో....
ఎంతటి ఆనందం ....ఉబికి ఉబికి వస్తూ  
నిముషం నిలవనీయకుండా.....మెల్లిగా సమాధి లోకి 
జారిపోతూ ...ఎలాగా ఈ అనుభూతిని అక్షరీకరించటం .....

అన్ని అనుభూతులు అక్షరీకరించగలమా?

ఇంద్రియాలకు అతీతంగా అనుభవాలు పొందవచ్చా?

ఇంద్రియాలకు అతీతంగా అనుభవాలు పొందవచ్చా?

నిజంగా ఎవరైనా పొంది ఉన్నారా?
కొన్ని సార్లు మన సిక్స్త్ సెన్స్ హెచ్చరించటం 
మన అనుభవం లో ఉండే ఉంటుంది.
అలా ఎవరికైనా అనుభవం ఉన్నదా?
కాని మన లోకి మనం ప్రయాణించి  నపుడు ఇది 
విచిత్రం కాదు.

ధ్యానం మన లోకి మనం ప్రయాణం చేసేందుకు 
ఉపయోగపడుతుంది.అది మనం రోజు చూసే 
ప్రపంచాన్ని వేరే కోణం లో చూసి ఆనందంగా 
జీవించటానికి ఉపయోగపడుతుంది.

ఆకాషిక్ రికార్డ్స్ తెలుసా?

ముందు ''విహంగ''సెప్టెంబర్ సంచికలో నా కవిత 
''చర్విత చరణం'' చదవండి......తరువాత చెపుతాను.

కవిత లింక్ ఇక్కడ

ఈ రోజు సాక్షి ఫ్యామిలీ లో కింది ఆర్టికల్ చదువుతుంటే 
మనసంతా చెప్పలేని బాధ ..ఎందుకో తెలీదు.
ఎందుకు ఆనందం గా పక్క వాళ్ళతో కలిసి తృప్తిగా 
జీవించగల జీవితాన్ని నరకం చేసుకుంటున్నాము నిజంగా....

సరే..సరే...అకాషిక్ రికార్డ్స్ అంటే నేను చదివిన దాని ప్రకారం 
మన ఆత్మ లోపలికి  ప్రయాణం అయ్యి దానితో ఉంటె 
బూత,వర్తమాన,భవిష్యత్ కాలాలలో జరిగేవి తెలుసుకోవచ్చు.
నిజమా అంటే.....ఇప్పుడు చూడండి.మీకు తెలుసు కదా 
ఒక నక్షత్రం ను మనం చూస్తున్నాము అంటే అది దాని కాంతి 
ప్రయాణించి మన కన్నుని తాకితేనే కదా.మరి అది ప్రయాణించటానికి 
పట్టిన కాలానికి ముందు ఉండే దాని బొమ్మని మనం చూస్తున్నాము 
అన్న మాట.అంటే ఆ నక్షత్రం అక్కడ ఇప్పుడు లేక పోవచ్చు కూడా.

అదే కాంతి ఇంకా ప్రయాణించి వేరొకరు దానిని చూసారు అనుకోండి .
అపుడు వాళ్ళు మనం అప్పుడెప్పుడో బూత కాలం లో చూసిన దానిని 
చూస్తున్నట్లు.ఇలాగా తరంగాల రూపం లోకాంతే  కాదు ,మన 
ఆలోచనలు కూడా ప్రయాణిస్తాయి.నిజమా మేము నమ్మము అన్నారు 
అనుకోండి,నేను ఏమి చెపుతాను అంటే.....ఒకటి మీరు నమ్మాలి అంటే 
మీ ఆలోచనా తరంగాలు పట్టుకొనే యాంటినా లాంటి వాళ్ళు చెపితే 
మీరు నమ్ముతారు లేదా మీ ఆలోచనలు పట్టుకోగల యంత్రాన్ని 
కనిపెట్టినపుడు మీరు నమ్ముతారు.

అంటే మీరు నమ్మినా నమ్మక పోయినా చాలా విషయాలు 
జరుగుతూ ఉంటాయి.వాటిలో ఆలోచనా తరంగాలు వ్యాపించటం ఒకటి.
మనం మంచి ఆలోచన చేస్తే అది విశ్వ వ్యాపితం అవుతుంది.
అందరికి సంతోషం చేకూరుతుంది.
మరి దుఖపు ఆలోచన...అంటే నెగటివ్  ఎనెర్జీ ఏమవుతుంది?
చూడండి  ఖదీర్ బాబు గారు ఏమి వ్రాసారో....

మంచి ఆలోచనలు మనకే కాక విశ్వానికి కూడా మేలు చేస్తాయి.

ధ్యానం ....నిత్యజీవితం లో భాగం

ధ్యానం నిత్యజీవితం లో భాగం చేసుకోగలిగితే 
మన జీవిత విధానం లో చాలా మంచి మార్పులు 
వస్తాయి.
ముఖ్యంగా పాసిటివ్ ఆలోచనలతో ఆరోగ్యం చాలా 
మెరుగు పడుతుంది.ఏకాగ్రత పెరుగుతుంది.

నేను కొంచెం గమనించింది ఏమిటంటే ధ్యానం 
మామోల్లుగా కంటే పిరమిడ్ లో చేస్తే చాలా 
బాగుంటుంది.ఇంకా పిరమిడ్ కేంద్రాలలో దానిలో 
కూర్చొని సామూహిక ధ్యానం చేసినపుడు ఇంకా 
చాలా చాలా బాగుంటుంది.వీలయితే చేసి చూడండి.
మీలో ఒక మంచి మార్పుకు మేరు పునాది వేసిన వారు 
అవుతారు.
''ఒకరు చెప్పారు అని ఏది నమ్మొద్దు.
నువ్వు చేసి అనుభవంతో నమ్ము''...బుద్దుడు.

పత్రీజి గారి గూర్చి ఇంతకూ ముందు తెలియక పొతే 
దీనిని చదవండి.ప్రతి సంవత్సరం డిసంబర్ లో 
చివరి వారం ఎక్కడో ఒక దగ్గర ధ్యాన మహా సభలు 
జరుగుతాయి.లక్షల మంది ధ్యానులు అక్కడకు 
హాజరు అవుతారు.
(news link ikkada )

స్నేహానికి యెంత విలువ....

స్నేహానికి యెంత విలువ ఉంది నిజంగా అందుకే
ఆద్యాత్మికత లో కూడా  దాన్ని అంత బలపరచారు.

ఒక నాటకం లో పోర్శియా  అంటుంది"దయ అనేది
వానలా మెల్లగా స్వర్గం నుండి కురుస్తుంది.అది
ఇచ్చిన వాళ్లకి,స్వీకరించిన వాళ్లకి కూడా సంతోషం
కలిగిస్తుంది " అని.......

స్నేహం  కూడా అంతే.ఎందుకో కొందరిని చూస్తె కొత్తగా
అనిపించదు.పై పెచ్చు ఎన్నో రోజుల నుండి వాళ్ళను
ఎరిగినట్లు ఉంటుంది.

ఇప్పుడే పరమహంస యోగానంద వారి విదేశాలలో చెప్పిన
ప్రసంగాల వ్యాస సంపుటి చదివాను.యెంత చక్కగా ఉందొ
స్నేహం గూర్చి.....

మచ్చుకి కొన్ని.....

''ఎవరి పట్ల అయినా నీకు దివ్యాకర్షణ కలిగితే వారితో స్నేహం చెయ్యండి.
ఏదో పూర్వ జన్మలో వారు మీకు స్నేహితులై ఉంటారు''

''హృదయపూర్వకంగా బేషరతు అయిన ప్రేమను వ్యక్తం చేసే
అవకాశాలు కల్పించటానికి అయన స్నేహితుల రూపంలో
వస్తాడు''

''నేను అందరికి మిత్రున్ని...నా శత్రువులకు కూడా...
అని చెప్పే స్తితి నీలో రావాలి''

''స్నేహం కోసం మీ కోరిక తగినంత ఉంటె ,మీతో ఆద్యాత్మిక అనుసంధానం
కలిగిన వ్యక్తీ దక్షిణ ద్రువం వద్ద ఉన్నా స్నేహం అనే అయస్కాంత
శక్తి మీ ఇద్దరినీ ఒక చోటికి ఆకర్షిస్తుంది''

ఇలాగే ఎన్నో మంచి విషయాలు.....చదవండి.....కొన్ని ఇస్తున్నాను.

ఎలాగున్న సంతోషంగా ఉండాలని అనుకుంటే....

''నువ్వు ఎలా ఉన్నా సంతోషంగా ఉండటానికే 

నిర్ణయించుకొని జీవిస్తుంటే అదే ధ్యానం ''......ఓషో.

ఇపుడే సాయంత్రం ఆరు నుండి ఏడు వరకు మొత్తం 

దేశం లో గల అన్ని పిరమిడ్ ధ్యాన కేంద్రాలలో ఉన్న 

అందరం కలసి సామూహిక ధ్యానం చేసాము.

సంకల్పం ఏమిటంటే దేశం లో సకాలం లో సరిగా వర్షాలు పడాలి.

అది పత్రీజి గారి మేస్సేజ్.బహుశా మాస్టర్స్ ఎవరైనా 

ఆయనకు ఇచ్చి ఉంటారు.

ఇంత కంటే మంచి అవకాశం రాదులే ....

ఒక మంచి సంకల్పం తో గంట ఉండటానికి అని వెళ్లి వచ్చాను.

మనకు మన జీవితం లో కొన్ని విషయాలు లేక 

వ్యక్తులు నచ్చక పోవచ్చు.కాని అవన్ని మనకు సమతుల్యతలోనే 

ఉన్నాయని అవి మనకు మంచి చేస్తాయి అని భావిస్తే 

జీవితం చాలా ప్రశాంతంగా హాయిగా ఉంటుంది.అప్పుడు జీవితం ఎలాగా 

ఉంటుందంటే ''కమ్మని పాటకు రూపం వస్తే అది నీలాగే 

ఉంటుందని ''అని సంతోషంగా అన్ని ఇబ్బందుల్లో కూడా 

పాడుకోగలం.

ఇబ్బందిని కూడా మన జీవితం లోకి ఎలా తీసుకోవాలో 

వివేకానందుని కధలో ఉంది.

దక్షిణేశ్వరం లో పంచవటి అనే చోట వివేకానందుల వారు 

ధ్యానం చేసుకొనే వారు.అక్కడ సాయంత్రం సైరన్ మోగేది పెద్దగా.

దాని వలన అతనికి ధ్యాన భంగం అయ్యేది.

ఒక సారి రామ కృష్ణుల వారితో చెప్పుకొని బాధ పడ్డారు.

అప్పడు రామ కృష్ణుల వారు''ఆ శబ్దాన్ని కూడా నీలోకి తీసుకో 

అప్పుడు అది నిన్నేమి చెయ్యలేదు'' అన్నారు.

అలాగే ఆయన చేసారు.

మనం కూడా  ఇబ్బంది కరం అనిపించేవి మనలో 

తీసుకుంటున్నాము అనుకొని ....వాటి నుండి వచ్చే 

పాఠాలు నేర్చుకుంటే అవి మనలను ఏమి చెయ్యవు.

మీ కోసం ఓషో గారి బుక్ ''నిత్య జీవితం లో ధ్యానం ''

నుండి కొన్ని పేజెస్.......