Wednesday 5 October 2011

కనిపించని నాలుగో సింహం....


హలో...ఏమిటి వెతుకుతున్నారు...
ఏమిటి సింహాన్నా?వట్టి చేతులతో చంపెద్దమనా?
చాల్లే కూర్చోండి..

నేనంటే దూకుడు సినిమా చూసి దూకుడు మీదున్న...
మీకేమి అయింది?
ఏమిటి అర్ధం అయిందా?దూకుడు సినిమా పై వ్రాస్తున్నాను అని...
వద్దా...నేను వినాఆఆఆఆఆఆఅ......

మైండ్ లో ఫిక్స్ అయ్యానంటే బ్లైండ్ గా వెళ్ళిపోతాను....

సరే ఏదో చెప్పమంటారా .......సాస్ కే పాంచ్ చెప్పేస్తాను 

(అంటే 405 కాదు నాలుగు ఐదు లైన్స్ లో చెప్పేస్తా)

మరి సింహాల సంగతి చెపుతా వినండి.

మొదటి సింహం ఇందులో కనిపించే మహేష్ బాబు.
ఏమాటకి ఆ మాటే చెప్పుకోవాలి...షేర్వానిలో షంషేర్ గా ఉన్నాడు.
"పోలిస్ "అని దూకుడుగా చెపుతుంటే రక్తం సర ..సర...అంటూ దూకుడే.

(చాలా రోజుల తరువాత హాల్ లో విజిల్స్ విన్నాను.మరి అన్ని ధరలు
పెరుగుతూ తరుముతుంటే మామూలు మనిషి ఎక్కడ గాలి 
పీల్చుకోవాలి?)

రెండో సింహం ప్రకాష్ రాజ్...ఆయన కోసమే కద అంతా నడుస్తూ 
ఉంటుంది.(ఏమి చేయలేము ...డైరెక్టర్ అలా ఫిక్స్ అయ్యాడు)

పాపం..ఎక్కడా సరిగా కనిపించని సింహం సమంతా...నా 
అభిప్రాయమే కాదు ...మా తోడి కోడళ్ళ అందరి అభిప్రాయం.
నలుగురం నాలుగు దిక్కులలో ఉంటాము కాబట్టి వాళ్ళతో 
మాట్లాడితే నాకు నాలుగు పక్కల టాక్ తెలిసిపోతుంటుంది.

మూడో సింహం విలన్ నాయర్ ..ఈయనకు తోడూ మరో నలుగురు.
వీళ్ళందరూ కలిసి మహేష్ బాబు నాన్న ప్రకాష్ రాజ్ ని,బాబాయ్ ని 
చంపుతారు.కాని ప్రకాష్ రాజ్ ఎలాగో బ్రతికి (మన ప్రాణానికి)కోమా లోకి 
వెళుతాడు.ఆయనని కోమా నుండి వచ్చినాక ఆయను 
సంతోష పరచటానికి ..మహేష్ బాబు విలన్ లను   
ఒక్కొక్కరిని ఒక్కో రకంగా చంపటమే కద.

(థాంక్ గాడ్ ...పక్కన యెర్ర అక్షరాలతో కధ ఏ ఊరిలో ఉందొ 
చూపిస్తూ ఉన్నారు లేకుంటే నాకు అర్ధం అయ్యి ఉండేదే కాదు)

ఏమిటి?ప్రశ్నార్ధకాలు మొహాల్లో ...ఓహో నాలుగో సింహం ఏమిటి అనా?

అదే...అదే చెపుతున్నా...ఈ నాలుగో సింహాన్ని నాకు చూపిననది 
ఎవరంటే మాస్టర్ తన్నీరు .అఖిల్.....వీడు  ఎవరంటే నా ఒక్కగాని ఒక్క 
తమ్ముడికి ఒక్కగానొక్క కొడుకు..అంటే మేనల్లుడు...

వీడితో సినిమాకి ఎవరు పోరు ఎందుకంటె మన బుర్ర తింటూ ఉంటాడు 
పక్కన కూర్చుని...కాని మనకు సినిమాలో నాలుగో సింహం చూపిస్తుంటాడు...

(మరి అత్తా అనగానే ఐస్క్రీం లా కరిగిపోతాను)

ముందు హాల్ లోకి వెళ్ళగానే మొదలెట్టాడు...అత్తమ్మా చూడు 
అని ప్రొజెక్టర్ రూం వైపు...ఏమిటంటే మా ఊరిలో శాటి లైట్  ద్వారా 
వేసే ఫస్ట్ సినిమా అంట..చెప్పాడు.

(వెంటనే మా నాన్న సినిమా రీళ్ల కోసం పక్కూరి సినిమా హాళ్ళకి
అర్ధ రాత్రిళ్ళు వెళ్ళటం అంతా నాకు గిర్రున రీలు లాగా తిరిగింది)

సరే అక్కడ మహేష్ బాబు టైటిల్ సాంగ్ విరగ దీసేస్తున్నాడు...
వీడేమో అత్తమ్మ...చూడు అవి హారిసన్ బైక్స్ ..jr.n.t.r. ఫస్ట్ 
కొన్నాడు ...అన్నాడు.(రెండు లక్షలా చిల్లర)

అక్కడ విలన్ మిద్దె పైన నిలబడి మొబైల్ లో పాట  వింటూ 
ఉంటాడు...వీడేమో వెనుక చూడు ఆ బిల్డింగ్ కిలోమీటర్ ఎత్తు
ఉంటుందంట ....అన్నాడు.

మహేష్ బాబు పాట కి తెగ స్టెప్స్ వేస్తుంటే మన కళ్ళు అటే ఉంటాయి 
...వీడేమో అటు చూడు పక్కన నమస్కారం పెట్టె బొమ్మ...అంటాడు.

ఇంకోసారి మహేష్ బాబు కలర్ ఫుల్గా పాటేస్కుంటాడు......
వీడేమో ...చూడు తెల్లోళ్లు ఈ రకంగా స్టెప్స్ వేయటం ఏ సినిమాలో 
లో వేయలేదు ..అంటాడు...

మరి మీకు కనిపించిందా నాలుగో సింహం...లేకుంటే వాడిని 
తోడిచ్చి మిమ్మల్ని సినిమాకు పంపుతాను...
(ఏమిటి ఎవరో కెవ్వ్....అంటున్నారు)
                 
                 కొస మెరుపు 
నేను మొన్న ఒకటవ తేది సాయంత్రం కోటకి వెళ్లాను.
బస్సు లేట్ అయ్యి ఆరు గంటలకు వెళ్ళాను.

ఐతే ఐదు గంటలకు టీవీ 5 లో శ్రీను వైట్ల తో లైవ్ వచ్చింది.
దాన్లో అఖిల్ కి లైన్ కలిసి శ్రీను వైట్ల తోమాట్లాడాడు.

ఎం.ఎస్.నారాయణ,బ్రహ్మి కామిడి బాగుందని చెప్పాడంట.
ఆయన థాంక్స్ చెప్పాడంట.టైటిల్ సాంగ్ బాగుందంటే "అది పది రోజులు 
షూట్ చేసాము బాబు "అని చెప్పాడంట.

నేను కాని ముందు వెళ్లి ఉంటె నేను కూడా శ్రీను వైట్ల తో మాట్లాడి 
ఉండేదాన్ని.నా వంద రూపాయలు ఆయనకు ఇచ్చేసినా,నా బుర్ర 
మొత్తం తినేసినా ఆయనకు అభినందనలు తెలిపెదాన్ని...

ఎందుకంటె.....
"మా N.T.R. ని యెర్ర కోట పై చూడాలనే 
కోరిక తీర్చారు కాబట్టి"       

 

9 comments:

Rangacharyulu said...

"మా N.T.R. ని యెర్ర కోట పై చూడాలనే
కోరిక తీర్చారు కాబట్టి"

After knowing about the above scene I too went to the movie

శశి కళ said...

thanks...rangacharyulu gaaru.

శ్రీ said...

మూడు సింహాలు తట్టుకున్నాం కానీ, నాలుగో సింహం కెవ్వు కేక! శాటిలైటు ద్వారా వేసారు అన్నారు, నాయుడుపేటలోనా? కోట లోనా? ఏదయినా అద్భుతమే!

రాజ్ కుమార్ said...

మీ రివ్యూ వెరైటీగా ఉందండీ.. ;)
మీ కోరిక సూపర్.. ఆ సీన్స్ కి మాంచి రెస్పాన్స్ వచ్చింది ధియేటర్ లో ;)

శశి కళ said...
This comment has been removed by the author.
శశి కళ said...

రాజ్...))))))))))))))

Anonymous said...

hi sasi,
all your posts are good.couldn't stop with out reading all.nice work.
thanks
Usha.

శ్రీ said...
This comment has been removed by a blog administrator.
kiran said...

మీ నాలుగో సింహం కేకండి...:)
అసలు మీరు నాకు భలే భలే నచ్చేసారు...:)
మా మహేష్ బాబు ని పోగిడేసారు :D