కవితా విహారం

ఇది మా పాప హేమ మాధురి వ్రాసింది.సరే పాపం తనకి 

బ్లాగ్లో చూసుకోవాలని కోరిక.ఈ రోజు వాళ్ళ మాగజైన్ 

సైబర్ క్రెస్ట్ కి పంపుతుంటే సరేలే పోనీ అని బ్లాగ్లో పెట్టాను.

మరి మీ ఆశీస్సులు తెలియచేయండి.

                              ఇదే ఇదే మా లోకం       

     

సౌర శక్తికి రెక్కలు తొడిగిన లోకంలో 

ప్లాస్టిక్ కాలుష్య బూతాన్ని తరిమి కొట్టి 

పచ్చని వన సీమల వయ్యారపు బాటల విహరించాలని 

భావించే యువతే మా భవిత   

హింస సమాధిపై శాంతి పావురాన్ని ఎగురవేసి 

స్నేహపు దీపాల వెలుగున 

ఐకమత్యం వికసించాలని 

భావించే యువతే మా భవిత                            

పిల్లలందరూ చదువుల తల్లి వొడిలో 

ఆకాశమే హద్దుగా అవకాశాలు సాదించి 

అవకాశాలు సృష్టించి విరించిలా వెలగాలని 

భావించే యువతే మా భవిత 

మూఢవిశ్వాసాల మదమును అణిచి 

జ్ఞానపు బావుటా ఎగురవేసి 

బుద్ద ధ్యాన మార్గం లో 

శాంతి సూక్తుల సీమ  లో సయోధ్యతో మెలగాలని 

భావించే యువతే మా భవిత                                                 

ఆలోచన పెంచి ఆవేశం త్రుంచి 

సద్విమర్శను సృజించి 

కర్తవ్యపు బాటలో భారతమాతకు అండగా నిలవాలని 

భావించే యువతే మా భవిత......

          @@@@@@@@@@@@@@@@@@@@@

ఈ కవిత ఈదూరి సుబ్బయ్య సాహితీ పీటం వారు 12-2-2011

న జిల్లా స్థాయిలో యువతకు పెట్టిన  కవితల పోటిలో
 రెండవ బహుమతి పొందినది.